ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਫੇਰ ਅੱਖਾਂ ਫੇਰ,
ਰਣਭੂਮੀ ਬਣੀ ਚਮਕੌਰ ਵੇਖ।
ਫੁਲ ਹੱਥਾਂ ਵਿਚ,
ਤੇਗ਼ ਸੰਭਾਲਨੇ ਦਾ ਤੌਰ ਵੇਖ।
ਏਥੇ ਈ ਨਹੀਂ ਬਸ,
ਝਾਤੀ ਮਾਰ ਮੁੜ ਸਰਹੰਦ ਵਿਚ।
ਦੁੱਧ ਦੀ ਦੰਦੀ ਚੁਣੀ,
ਜਾਂਦੀ ਏ ਜੋੜੀ ਕੰਧ ਵਿਚ।
ਤੇਰੀ ਖਾਤਰ ਵਾਰ ਕੇ ਪ੍ਰਵਾਰ,
ਛਡ ਕੇ ਸ਼ਾਹੀ ਨੂੰ।
ਵੇਖ ਮਾਛੀ ਵਾੜੇ ਦੇ,
ਜੰਗਲ, ਚਿ' ਸੁਤੇ ਮਾਹੀ ਨੂੰ।
ਵਖ ਹੁੰਦੇ ਬੰਦ ਲੱਥਦਾ,
ਜਿਸਮ ਉਤੋਂ ਪੋਸ਼ ਵੇਖ।
ਫਿਰ ਵੀ ਪੜ੍ਹਦਾ 'ਸੁਖਮਨੀ',
ਇਹ ਸਿਖਦਾ ਸੰਤੋਸ਼ ਵੇਖ।
ਹੋਰ ਤੱਕ ਤੇਰੇ ਲਈ,
ਗੇਲੀ ਦੇ ਵਾਂਗਰ ਚਿਰ ਰਹੇ।
ਨਿੱਠ ਕੇ ਬੈਠੇ ਹੋਏ ਨੇ,
ਸਿਰਉਤੋਂ ਦੀ ਆਰੇ ਫਿਰ ਰਹੇ।
੭੨.