ਇਹ ਸਫ਼ਾ ਪ੍ਰਮਾਣਿਤ ਹੈ
ਸ਼ਹਿਰ ਦਾ ਜਾਦੂ
(ਤੈਲੰਗੂ)
ਵੈਕਟਾਚਲਮ ਨੇ ਤੈਲੰਗੂ ਵਿਚ ਸੌ ਤੋਂ ਉਪਰ ਕਹਾਣੀਆਂ ਲਿਖੀਆਂ ਹਨ। ਇਨ੍ਹਾਂ ਦੀਆਂ ਕਹਾਣੀਆਂ ਦੀ ਨਿੰਦਿਆ ਕਰਨ ਵਾਲੇ, ਪ੍ਰਸੰਸਾ ਕਰਨ ਵਾਲਿਆਂ ਤੋਂ ਘਟ ਨਹੀਂ। ਪਰੰਤੂ ਵੈਕਟਾਚਲਮ ਇਸ ਦੀ ਚਿੰਤਾ ਨਹੀਂ ਕਰਦੇ। ਨਿੰਦਣ ਵਾਲੇ ਵੀ ਇਨ੍ਹਾਂ ਦੀ ਕਲਪਨਾ-ਸ਼ਕਤੀ ਦੀ ਪ੍ਰਸੰਸਾ ਕਰਦੇ ਹਨ।
ਵਿਵਾਹ, ਪ੍ਰੇਮ, ਇਸਤ੍ਰੀ-ਪੁਰਸ਼ ਅਤੇ ਪ੍ਰਚਲਤ ਸਿਧਾਤਾਂ ਨੂੰ ਝੂਠਾ ਸਾਬਤ ਕਰਨਾ ਹੀ ਆਪ ਦੇ ਕਹਾਣੀ-ਪਾਤਰ ਦਾ ਮੁੱਖ ਮੰਤਵ ਹੁੰਦਾ ਹੈ।
ਤੇਲੰਗੂ ਦੇ ਵਿਦਵਾਨ ਆਪ ਦੀ ਬਰਾਬਰੀ 'ਮੋਪਾਸਾਂ' ਨਾਲ ਕਰਦੇ ਹਨ। ਕਾਮਯਾਬ ਕਹਾਣੀ-ਲੇਖਕ ਹੋਣ ਤੋਂ ਇਲਾਵਾ ਪ੍ਰਸਿੱਧ ਨਾਵਲਿਸਟ ਵੀ ਹਨ। "ਸ਼ਹਿਰ ਦਾ ਜਾਦੂ" ਆਪ ਦੀਆਂ ਚੰਗੀਆਂ ਕਹਾਣੀਆਂ ਵਿਚੋਂ ਇਕ ਹੈ।
