ਪੰਨਾ:ਆਓ ਪੰਜਾਬੀ ਸਿੱਖੀਏ - ਚਰਨ ਪੁਆਧੀ.pdf/17

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਮੁਹਾਰਨੀ ਗਿਆਨ


ਅ ਆ ਇ ਈ ਉ ਊ ਏ ਐ ।
ਮੁਹਾਰਨੀ ਗਿਆਨ ਵੀ ਚਾਹੀਦਾ ਐ।

ਇਸ ਮੁਹਾਰਨੀ ਦੇ ਬੜੇ ਫਾਇਦੇ।
ਧੁਨ ਦੇ ਦੱਸੇ ਕਾਨੂੰਨ ਤੇ ਕਾਇਦੇ।
ਕਿਸ ਲਗ ਦੇ ਨਾਲ ਆਵਾਜ਼ ਕੀ ਬਣਦੀ ?
ਸਭ ਸਮਝਾ ਇਲਾਹਦੇ-ਇਲਾਹਿਦੇ।
ਇੱਕ ਲੈਅ ਤੇ ਇੱਕ ਸੁਰ ਵਿੱਚ ਬੋਲਕੇ,
ਕਰਨਾ ਧਿਆਨ ਵੀ ਚਾਹੀਦਾ ਐ।
ਮੁਹਾਰਨੀ ਗਿਆਨ....

ਓ ਔ ਅੰਝਾ ਕ ਕਾ ਕਿ ਕੀ।
ਸਿੱਖਲੋ ਰਾਜੁ ਸਿੱਖ ਲਓ ਵਿੱਕੀ।
ਸੌ ਫੀਸਦੀ ਸਭ ਬਣ ਜਾਓਗੇ ਵਕਤਾ,
ਨਹੀਂ ਅੜਨਗੇ ਦੁੱਕੀ-ਨਿੱਕੀ।
ਸਾਫ਼ ਸੁਥਰਾ ਸ਼ੁੱਧ ਬੋਲਣ ਦਾ,
ਵਿਧੀ-ਵਿਧਾਨ ਵੀ ਚਾਹੀਦਾ ਐ ।
ਮੁਹਾਰਨੀ ਗਿਆਨ........

ਕੁ ਕੂ ਕੇ ਕੈ ਕੋ ਕੌ ਕਾਂ ਕੰ।
ਨਾ ਨਹੀਂ ਕਰਨੀ ਕਰਨਾ ਹਾਂ ਹੈ।
ਰਜ਼ਾ ਇਸਦਾ ਉਤਾਰੀਏ ਸਿੱਖ ਕੇ,
ਪੰਜਾਬੀ ਹੈ ਸਾਡੀ ਮਾਂ ।
‘ਚਰਨ’ ਨਾਨਕੀ ਦਾਦਕੀ ਬੋਲੀ,
ਨੂੰ ਸਨਮਾਨ ਵੀ ਚਾਹੀਦਾ ਐ।
ਮੁਹਾਰਨੀ ਗਿਆਨ ..

15/ਆਓ ਪੰਜਾਬੀ ਸਿੱਖੀਏ