ਪੰਨਾ:ਆਕਾਸ਼ ਉਡਾਰੀ.pdf/68

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

ਕਿਉਂ ਪਾਣੀ ਪੰਜਾਬ ਦਾ ਪੀਂਵਦੇ ਹੋ?

ਭਾਵੇਂ ਹਿੰਦੂਆਂ ਸਿਖਾਂ ਤੇ ਮੋਮਨਾਂ ਦੇ,
ਕੰਮ ਕਾਜ ਤੇ ਕਾਰ ਰੁਜ਼ਗਾਰ ਵਖਰੇ।
ਪੂਜਾ ਪਾਠ ਤੇ ਪੜ੍ਹਨੀ ਨਿਮਾਜ਼ ਵਖਰੀ,
ਅਤੇ ਪੀਰ, ਪੈਗੰਬਰ, ਅਵਤਾਰ ਵਖਰੇ।
ਰਹਿਣ, ਬਹਿਣ ਤੇ ਖਾਣ ਹੰਢਾਣ ਵਖਰਾ,
ਮੰਦਰ, ਮਸਜਦਾਂ, ਧਰਮੀਂ ਦਵਾਰ ਵਖਰੇ।
ਇਕ ਦੂਜੇ ਤੋਂ ਪਰ੍ਹੇ ਲਿਜਾਣ ਵਾਲੇ,
ਬਣੇ ਰਸਤੇ ਹਰ ਪਰਕਾਰ ਵਖਰੇ।

ਐਪਰ ਤਿੰਨਾਂ ਦਾ ਮੇਲ ਮਿਲਾਣ ਵਾਲੀ,
ਸਾਂਝੀ ਇਨ੍ਹਾਂ ਦੀ ਮਾਤਰੀ ਬੋਲੀ ਹੀ ਹੈ।
ਆਪਸ ਵਿਚ ਪਿਆਰ ਵਧਾਣ ਵਾਲੀ,
ਮਿਠੀ ਮਿਠੀ ਪੰਜਾਬੀ ਦੀ ਬੋਲੀ ਹੀ ਹੈ।

ਝੁਡੂ ਮਾਸਟਰ ਹੋਵਨ ਸਕੂਲ ਅੰਦਰ,
ਉਰਦੂ ਬੋਲ ਕੇ ਰੋਹਬ ਜਮਾਂਵਦੇ ਨੇ।
ਜੇ ਕਰ ਬਾਬੂ ਪ੍ਰੀਖਿਆ ਲੈਣ ਆਵਣ,
ਡੈਮ ਫ਼ੂਲ ਕਹਿ ਉਹ ਭੀ ਬੁਲਾਂਵਦੇ ਨੇ।
ਅਫ਼ਸਰ ਕੋਈ ਜੋ ਪਿੰਡਾਂ 'ਚ ਆਣ ਵੜਦੇ,
ਗਿਟ ਮਿਟ ਅੰਗਰੇਜ਼ੀ ਚਲਾਂਵਦੇ ਨੇ।

੭੪.