ਪੰਨਾ:ਆਕਾਸ਼ ਉਡਾਰੀ.pdf/71

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਨਾ ਇਹ ਕਲਜਾਂ ਵਿਚ ਪੜ੍ਹਾਈ ਜਾਵੇ,
ਨਾ ਇਹ ਵਿਚ ਕਚਹਿਰੀਆਂ ਬਹਿਣ ਜੋਗੀ।
ਗੱਲਾਂ ਹੋਰ ਤਾਂ ਰਹੀਆਂ ਨੇ ਇਕ ਪਾਸੇ,
ਰਹੀ ਇਹ ਨਾ ਘਰਾਂ 'ਚ ਰਹਿਣ ਜੋਗੀ।
ਨਾ ਕੋਈ ਏਸ ਦਾ ਦਰਦ ਵੰਡਾਣ ਵਾਲਾ,
ਨਾ ਇਹ ਕਿਸੇ ਨੂੰ ਆਪ ਹੈ ਕਹਿਣ ਜੋਗੀ।
ਵਾਂਗ ਗੋਲੀਆਂ ਹੋਰਨਾਂ ਬੋਲੀਆਂ ਦੇ,
ਰਹੀ ਮਿਹਣੇ ਤੇ ਬੋਲੀਆਂ ਸਹਿਣ ਜੋਗੀ।

ਐ ਮਾਤਾ ਪੰਜਾਬੀ ਦੇ ਪਿਆਰਿਓ ਵੇ,
ਜਾਗੋ ਆਪ ਤੇ ਹੋਰਾਂ ਜਗਾ ਦੇਵੋ।
ਅਪਣੀ ਮਾਤਾ ਪੰਜਾਬੀ ਨੂੰ ਮਾਣ ਦੇ ਕੇ,
ਇਹਦੀ ਗੁੱਡੀ ਅਕਾਸ਼ ਚੜ੍ਹਾ ਦੇਵੋ।

੭੭