ਇਹ ਸਫ਼ਾ ਪ੍ਰਮਾਣਿਤ ਹੈ
ਵਿਦੇਸ਼ੀ ਵਿਦਿਆ
ਊੜਾ ਉਰਦੂ ਤੇ ਐੜਾ ਅੰਗਰੇਜ਼ੀ,
ਈੜੀ ਇੰਗਲੈਂਡੋਂ ਹਿੰਦੁਸਤਾਨ ਦੇ ਵਿਚ।
ਸਸਾ ਸਾਇੰਸਾਂ ਨੇ ਆ ਕੇ ਜ਼ੋਰ ਕੀਤਾ,
ਹਾਹਾ ਹਿਸਟਰੀ ਹੋਰ ਜ਼ਬਾਨ ਦੇ ਵਿਚ।
ਕਕਾ ਕਾਇਦੇ ਹੋਰ ਦੇ ਹੋਰ ਹੋਏ,
ਖਖਾ ਖੱਪ ਮੋਏ ਘੋਟੇ ਲਾਣ ਦੇ ਵਿਚ।
ਗਗਾ ਗਾਲੀਆਂ ਕੱਢਣ ਉਸਤਾਦ ਸਾਨੂੰ,
ਸਬਕ ਚੜ੍ਹੇ ਨਾ ਜੇਕਰ ਧਿਆਨ ਦੇ ਵਿਚ।
ਘਘਾ ਘਰਾਂ ਵਿਚੋਂ ਮਾਰਾਂ ਖਾਂਵਦੇ ਹਾਂ,
ਜੇ ਨਾ ਪਾਸ ਹੋਈਏ ਇਮਤਿਹਾਨ ਦੇ ਵਿਚ।
ਙੰਙਾ ਙੁੰਣ ਙੁੰਣਾਂਦੇ ਅਠੇ ਪਹਿਰ ਰਹੀਏ,
ਲਾਲੇ ਪਏ ਰਹਿੰਦੇ ਸਾਡੀ ਜਾਨ ਦੇ ਵਿਚ।
ਚਚਾ ਚਾਰ ਬਜੇ ਛਛਾ ਛੁੱਟੀ ਹੋਵੇ,
ਜਜਾ ਜਾਵੀਏ ਅਪਣੇ ਮਕਾਨ ਦੇ ਵਿਚ।
ਝਝਾ ਝਾੜ ਪੈਂਦੀ ਅਗੋਂ ਘਰਾਂ ਵਿਚੋਂ,
‘ਕਰਦੇ ਰਹੇ ਕੀ ਦੇਰ ਲਗਾਣ ਦੇ ਵਿਚ।
ਵਵਾ ਵੇਈਂ ਵੇਈਂ ਅਗੋਂ ਅਸੀਂ ਕਰੀਏ,
ਅਕਲ ਹਾਰੇ ਬਹਾਨਾ ਬਣਾਣ ਦੇ ਵਿਚ।
ਟੈਂਕਾ ਟ੍ਰੈਨਸ ਦਾ ਪਾਸ ਇਮਤਿਹਾਨ ਕਰ ਕੇ,
ਠੱਠਾ ਠੁਡੜੇ ਖਾਈਏ ਜਹਾਨ ਦੇ ਵਿਚ।
ਡਡਾ ਡੰਡੇ ਵਜਾਉਣ ਦੇ ਯੋਗ ਕਰਦੇ,
੮੦.
