ਪੰਨਾ:ਆਕਾਸ਼ ਉਡਾਰੀ.pdf/88

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

ਜਟ ਕਿਰਸਾਣ ਜਾਂ ਲੁਹਾਰ ਤਰਖਾਣ ਬਣੋ,
ਡੋਬ ਦਿਤਾ ਦੇਸ ਸਾਡਾ ਨੌਕਰੀ ਦੇ ਪਿਆਰ ਨੇ।
ਸੂਈਆਂ ਤੇ ਸਲਾਈਆਂ ਨੂੰ ਬਣਾਣ ਵਾਲੇ 'ਤਾਰਿਆਂ' ਵੇ,
ਵਿਚ ਸੰਸਾਰ ਅਜ ਬਣੇ ਤਾਜਦਾਰ ਨੇ।

ਖਰੀ ਖਰੀ ਬਾਬੂ ਹੁਰਾਂ ਸੁਣੀ ਜਾਂ ਲੁਹਾਰ ਕੋਲੋਂ,
ਛਿਥੇ ਹੋਏ ਡਾਢੇ ਅਤੇ ਮੰਨ ਲਈ ਹਾਰ ਨੇ।
ਨੌਕਰੀ ਤੇ ਚਾਕਰੀ ਦਾ ਛਡ ਕੇ ਖ਼ਿਆਲ ਪਰ੍ਹਾਂ,
ਫੜ ਲਏ ਹਥਾਂ ਵਿਚ ਝਟ ਹਥਿਆਰ ਨੇ।
ਰੰਬਾ ਤੇ ਦਰਾਂਤੀ, ਨਾਲ ਤੇਸਾ ਤੇ ਹਥੌੜਾ ਫੜ,
ਖ਼ੁਸ਼ੀ ਨਾਲ ਕਹਿਣ ਲਗਾ: ਇਹੋ ਮੇਰੇ ਯਾਰ ਨੇ।
ਬੂਟ ਸੂਟ ਵਾਲਾ ਬਾਬੂ ਖਲਾ ਸੀ ਤੜਿੰਗ ਜਿਹੜਾ,
ਡਾਢਾ ਉਂਡਾ ਕੀਤਾ ਇਸ ਹਥਾਂ ਵਾਲੀ ਕਾਰ ਨੇ।

੯੪.