ਪੰਨਾ:ਇਨਕਲਾਬ ਦੀ ਰਾਹ.pdf/105

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਨਾ ਤੇਰਾ ਕੋਈ ਇਕ ਸੌ-ਦਸ ਵਿਚ ਨਹੀਂ ।

ਰੋਜ਼ ਥਾਣੇ 'ਚ ਕਿਉਂ ਦਏਂ ਇਤਲਾਹ ?

ਤੈਨੂੰ ਉਪਜਾ ਕੇ ਮਾਣ ਕਰਦੈ ਰਬ ।

ਨਾ ਤੂੰ ਪਾਪਾਂ ਦੀ ਪੰਡ, ਨਾ ਤੂੰ ਗੁਨਾਹ ।

ਤੈਨੂੰ ਕੀਤਾ ਸੂ ਆਪਣਾ ਮੁਖ਼ਤਾਰ ਆਮ ।

ਦੇ ਕੇ ਸ਼ਕਤੀ, ਅਗੰਮ, ਅਤੋਲ, ਅਥਾਹ ।

ਡਹੁਲਿਆਂ ਨਾਲ ਜੁਗ ਪਲਟਦੇ ਨੇ ।

ਬੇ-ਅਸਰ ਹੋ ਗਏ ਨੇ ਹੰਝੂ, ਆਹ ।

ਝਾੜ ਛਡ ਇਸ ਤਰਾਂ ਜ਼ੰਜੀਰਾਂ ਨੂੰ ।

ਬੀਣੀਆਂ ਨੂੰ ਨਾ ਹੋਣ ਦੇ ਇਤਲਾਹ ।

ਆਪਣੇ ਖੰਭਾਂ ਤੇ, ਮਾਣ ਕਰਨਾ ਸਿੱਖ ।

ਕਾਹਨੂੰ ਮੰਗਨਾਂ ਏਂ ਪਿੰਜਰਿਆਂ ਦੀ ਪਨਾਹ ?

ਕਿਉਂ ਖੁਰੇ ਲੋੜਨਾ ਏਂ ਲੰਘਦਿਆਂ ਦੇ ?

ਨਦੀਆਂ ਕਦ ਤੁਰਦੀਆਂ 'ਲਿਤਾੜੇ-ਰਾਹ' ?

ਸਹਿਮ ਕੇ ਪੁੰਨ ਕਰਨ ਦੇ ਨਾਲੋੋਂ,

ਚੰਗਾ ਹੁੰਦਾ ਏ , ਇਕ ਦਲੇਰ ਗੁਨਾਹ ।


੯੯