ਪੰਨਾ:ਇਨਕਲਾਬ ਦੀ ਰਾਹ.pdf/31

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਉਡ ਗਿਆ ਰੋਹਬ ਤੇਰਾ,
ਰਹਿ ਗਿਆ ਬਸ ਨਾਮ ਹੀ ਨਾਮ ।
ਸ਼ੇਰ ਲਿਸਿਆਂ ਤੇ ਹੈਂ,
ਪਰ ਡਾਢਿਆਂ ਲਈ 'ਗੰਗਾ-ਰਾਮ' ।

੧੪.

ਅਸੀ ਹਸੀਏ ਵੀ ਤਾਂ,
ਦਸਨਾਂ ਏ ਸਾਨੂੰ ਕੁੰਭੀ ਨਰਕ ।
ਘੂਰ ਕੇ ਕਹਿਨੇਂ "ਸਹੋ ਹਸ ਕੇ,
ਹਰਿਕ ਟੀਸ ਤੇ ਕਰਕ ।"
ਆਹ ਜੇ ਭਰੀਏ ਤਾਂ ਕਹੇਂ,
"ਆਉਂਦਾ ਏ ਭਾਣੇ ਵਿਚ ਫਰਕ ।"
ਸਾਡਾ ਤਾਂ ਕੀਤੈ ਇਨ੍ਹਾਂ,
ਭਗਤੀਆਂ ਨੇ ਬੇੜਾ ਗਰਕ ।

ਪਾਪ ਵਡਾ ਹੈ,
ਤੇਰੀ ਜ਼ਾਤ ਦਾ ਆਸ਼ਕ ਹੋਣਾ।
ਬੁਧੂ ਹੋਣਾ ਹੈ,
ਤੇਰੇ ਭਗਤ, ਉਪਾਸ਼ਕ ਹੋਣਾ।

੨੫