ਪੰਨਾ:ਇਨਕਲਾਬ ਦੀ ਰਾਹ.pdf/63

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਉਡਦੇ ਪੰਛੀ ਇਹ ਹਨ ਕਹਿੰਦੇ।
'ਜੀਊਂਦੇ ਪਿੰਜਰੇ ਵਿਚ ਨਹੀਂ ਰਹਿੰਦੇ।
'ਫੜਕ ਫੜਕ ਕੇ ਕਰਦੇ-
ਟੋਟੇ ਇਕ ਪਿੰਜਰੇ ਦੇ ਚਾਰ।'
ਪੰਛੀ!
ਛਡ ਪਿੰਜਰੇ ਦਾ ਪਿਆਰ।

ਤੂੰ ਜਿਸ ਦਿਨ ਦਾ ਗਾਣਾ ਛਡਿਐ,
ਕਲੀਆਂ ਨੇ ਮੁਸਕਾਣਾ ਛਡਿਐ।
ਤੇਰੇ ਬਾਝੋਂ ਟਾਹਣੀ ਨੂੰ_
ਫੁਲ ਜਾਪਣ ਲਗ ਪਏ ਭਾਰ।
ਪੰਛੀ!
ਛਡ ਪਿੰਜਰੇ ਦਾ ਪਿਆਰ।

ਇਹ ਪਿੰਜਰੇ, ਇਹ ਚੂਰੀ, ਚੋਗੇ।
ਹੁੰਦੇ ਮੋਇਆਂ ਹੋਇਆਂ ਜੋਗੇ।
ਜੀਉਂਦੇ-ਪੰਛੀ ਪਾਣ ਆਹਲਣਾ,
ਤਾਰਿਆਂ ਦੇ ਵਿਚਕਾਰ।
ਪੰਛੀ!
ਛਡ ਪਿੰਜਰੇ ਦਾ ਪਿਆਰ।

੫੭