ਪੰਨਾ:ਇਨਕਲਾਬ ਦੀ ਰਾਹ.pdf/73

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਦੇਸ਼ ਦੇ ਸਿਰ ਤੇ ਬਿਜਲੀਆਂ ਕੜਕਣ ।

ਹੱਥੀਂ ਪੈਰੀਂ ਸੰਗਲ ਖੜਕਣ ।

ਤੂੰ ਬੈਠ ਖੜਕਾਨੈ ਟੱਲੀਆਂ !

ਮੈਥੋਂ ਇਹ ਨਹੀਂ ਸਕਦਾ ਹੋ ।

ਪੁਜਾਰੀ !

ਮੰਦਰ ਦੇ ਦਰ ਢੋਅ ।


ਕਰ ਲੈਸਾਂ ਫਿਰ ਸ੍ਵਰਗ ਸਿਆਪੇ ।

'ਭਗਤੀ' ਵੇਖੀ ਜਾਸੀ ਆਪੇ ।

ਆ ! ਭਾਰਤ ਦੇ ਖਿੰਡੇ-ਮਣਕੇ,

ਪਹਿਲੋਂ ਲਈਏ ਪਰੋਅ ।

ਪੁਜਾਰੀ !

ਮੰਦਰ ਦੇ ਦਰ ਢੋਅ।


ਪੋਥੀ ਰਖ, ਹਥ ਕਰ ਲੈ ਵਿਹਲਾ ।

ਇਹ ਨਹੀਓਂ ਪਾਠ ਕਰਨ ਦਾ ਵੇਲਾ ।

ਦੇਸ਼ ਤੇ ਆਈ ਔਕੜ ਸਾਂਹਵੇਂ,

ਛਾਤੀ ਤਾਣ ਖਲ੍ਹੋਅ ।

ਪੁਜਾਰੀ !

ਮੰਦਰ ਦੇ ਦਰ ਢੋਅ।


੬੭