ਪੰਨਾ:ਇਨਕਲਾਬ ਦੀ ਰਾਹ.pdf/74

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਕੀ ਹੈ ਜੇ ਬਿਨ-ਹਵਨੋਂ ਮਰ ਗਏ?

ਪੂਜਾ ਸੰਧਿਆ ਕੁਝ ਨਾ ਕਰ ਗਏ?

ਜੀਵਨ ਸਫ਼ਲਾ ਹੈ, ਜੇ ਜਾਸਾਂ,

ਦਾਗ਼ ਗੁਲਾਮੀ ਦੇ ਧੋਅ।

ਪੁਜਾਰੀ!

ਮੰਦਰ ਦੇ ਦੇੇ ਢੋਅ।


ਵੀਰਾਂ ਦੇ ਦੁਖ ਸਹਿ ਨਹੀਂ ਸਕਦਾ।

ਊਂਧੀ ਪਾ ਕੇ ਬਹਿ ਨਹੀਂ ਸਕਦਾ।

ਇਸ ਵੇਲੇ ਮਾਲਾ ਫੜ ਬਹਿਣਾ,

ਹੈ 'ਜੀਵਨ' ਨਾਲ ਧਰੋਹ।

ਪੁਜਾਰੀ!

ਮੰਦਰ ਦੇ ਦਰ ਢੋਅ।


ਵੇਖਾਂ! ਮੰਦਰ ਦੇ ਚੌਗਿਰਦੇ।

ਛਮ ਛਮ ਨੈਣੋਂ ਹੰਝੂ ਕਿਰਦੇ।

ਢਿਡੋਂ ਭੁੱਖੇ, ਪੰਡਿਓਂ ਨੰਗੇ,

ਮੇਰੇ ਵੀਰ ਰਹੇ ਨੇ ਰੋ।

ਪੁਜਾਰੀ!

ਮੰਦਰ ਦੇ ਦਰ ਢੋਅ।


੬੮