ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ੴ ਸਤਿਗੁਰੂ ਪ੍ਰਸਾਦਿ॥
ਭੂਮਿਕਾ
॥ ਅਸਲ ਮਤਲਬ ਪੁਸਤਕ ਰਚਨੇ ਕਾ॥
ਇਕ ਦਿਨ ਸਵੇਰੇ ਅੱਠ ਬਜੇ ਦੇ ਵੇਲੇ ਮੈਂ ਅੱਗੇ ਹਮੇਸ਼ ਵਾਂਙਨ ਨਦੀ ਦੇ ਕਨਾਰੇ ਹਵਾ ਖਾਨ ਨੂੰ ਗਿਆ। ਕੀਹ ਦੇਖਦਾ ਹਾਂ ਕੇ ਇਕ ਮੁੰਡਾ ਕੋਈ ਪੰਜੀਆਂ ਵਰਿਆਂ ਦਾ, ਇਕ ਬੁਡੀ ਪੰਜਾਹ ਵਰਿਆਂ ਦੀ ਤੇ ਇਕ ਕੁੜੀ ੧੮ ਅਠਾਰਾਂ ਵਰਿਆਂ ਦੀ ਆਪਸ ਵਿਚ ਪੈ ਗੱਲਾਂ ਕਰਦੇ ਹਨ। ਉਨ੍ਹਾਂ ਦੇ ਕਪੜੇ ਖਰਾਬ ਮੈਲੇ ਪਾਟੇ ਹੋਏ ਤੇ ਰੰਗ ਰੂਪ ਅੱਛਾ ਦੇਖ ਕਰ ਮੇਰਾ ਦਿਲ ਭੀ ਕਰ ਆਇਆ ਜੋ ਮੈਂ ਉਨ੍ਹਾਂ ਪਾਸੋਂ ਹਾਲ ਹਵਾਲ ਲਵਾਂ, ਅਪਨੋ ਦਿਲ ਵਿਚ ਏਹ ਸਲਾਹ ਕਰਕੇ ਮੈਂ ਅਗਾਂ ਓਨ੍ਹਾਂ ਦੀ ਤਰਫ ਗਿਆ। ਨੇੜੇ ਪਹੁੰਚ ਕੇ ਮੈਂ ਉਨ੍ਹਾਂ ਨੂੰ ਇਸ ਤਰਾਂ ਪੁਛਿਆ “ਕਿਉਂ ਜੀ ਕਿਥੋਂ ਆਏ ਹੋ" ਮੁੰਡਾ ਤਾਂ ਸੁਨਦਿਆਂ ਹੀ ਉਸ ਬੁੱਢੀ ਵਲ ਦੇਖਨ ਲਗ ਪਿਆ ਤੇ ਲੜਕੀ ਨੇ ਪਿਠ ਫਿਰਾ ਲਈ ਔਰ ਬੁੱਢੀ ਨੇ ਮੇਰੀ ਤਰਫ ਧਿਆਨ ਕਰਕੇ ਕਹਿਆ ਮੱਲਾ ਕੀ ਪੁੱਛਨਾ ਹੈਂ। ਅਸੀਂ
