ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ੴ ਸਤਿਗੁਰੂ ਪ੍ਰਸ਼ਾਦਿ।
ਇਸਤਰੀਸੁਧਾਰ
ਬਿਆਨ ਬੁੱਢੀ ਦਾ
ਸੁਨ ਬੱਚਾ ਮੋਰਾ ਹਾਲ ਮੈਂ ਤੱਤੀ ਸੰਮਤ ੧੯੦੧ਵਿo ਵਿਚ ਹੁਸ਼ਿਆਰਪੁਰ ਦੇ ਜਿਲੇ ਦੇ ੧ ਛੋਟੇ ਪਿੰਡ ਵਿੱਚ ਜੰਮੀ ਸਾਂ, ਮੇਰੇ ਮਾਂ ਪਿਓ ਜਾਤ ਦੇ ਖੱਤਰੀ ਸਨ ਤੇ ਅਛੇ ਰਿਜਕ ਵਾਲੇ ਆਦਮੀ ਸਨ, ਜਦ ਮੈਂ ੮ ਵਰਿਆਂ ਦੀ ਹੋਈ ਤਾਂ ਮੇਰੇ ਮਾਪਿਆਂ ਦਾ ਹੱਥ ਕੁਛ ਤੰਗ ਹੋ ਗਿਆ, ਉਨਾਂ ਨੇ ਏਹ ਸਲਾਹ ਕੀਤੀ ਕਿ ਹੁਨ ਅਸੀਂ ਇਸ ਪਿੰਡੋਂ ਟੁਰ ਜਾਈਏ, ਤੇ ਕਿਸੇ ਹੋਰ ਨੱਗਰ ਵਿਚ ਜਾ ਰਹੀਏ, ਕਿਉਂ ਜੋ ਏਥੇ ਸਾਡੀ ਇਜ਼ਤ ਅਬਰੂ ਬਨੀ ਹੋਈ ਸੀ, ਤੇ ਹੁਨ ਜਦ ਮੁੱਠ ਖੁੱਲ ਗਈ ਤਾਂ ਫੇਰ ਸਾਡਾ ਕਦਰ ਕਿਸੇ ਨੇ ਨਹੀਂ ਕਰਨਾ। ਤੇ ਨਾਂ ਅਸੀਂ ਕੋਈ ਮੇਹਨਤ ਮਜੂਰੀ ਏਥੇ ਕਰ ਸਕਾਂਗੇ। ਇਸ ਤਰਾਂ ਮਤਾ ਪਕਾ ਕੇ ਤਾਂ ਓਹ ਅਪਨੀ ਉਗਰਾਹੀ ਉਗਰਾਹਨ ਲਗੇ, ੧੯੧੦ ਹਾੜ ਦੀ ਸਗਰਾਂਦ ਵਾਲੇ ਦਿਣ ਤੀਰਥ ਦਾ ਬਹਾਨਾਂ ਕਰਕੇ ਪਿੰਡੋਂ ਨਿਕਲ ਪਏ ਤੇ ਰਾਹੂੰ ਸੈਹਰ ਡੇਰਾ ਜਾ ਕੀਤਾ, ਓਥੇ ੬ ਮਹੀਨੇ ਮੇਹਨਤ ਮਜੂਰੀ ਕੀਤੀ, ਪਰ
