ਪੰਨਾ:ਉਸਦਾ ਰੱਬ.pdf/12

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਮੈਂ ਜ਼ਿੱਦ 'ਚ ਆ ਕੇ ਸੋਚਿਆ "ਲੈ ਇਹ ਨੂੰ ਪੇਚਾ ਲੜਾ ਕੇ ਦਖਾ ਈ ਦਈਏ |" ਬਜ਼ਾਰੋਂ ਸਭ ਤੋਂ ਸੋਹਣੀ ਪਤੰਗ ਖਰੀਦੀ। ਡੋਰ ਦੀ ਚਰਖੜੀ ਲਿਆਂਦੀ |ਸ਼ੀਸ਼ੇ ਤੇ ਗੂੰਦ ਨਾਲ ਡੋਰ ਸੂਤੀ । ਖੁਲ੍ਹੇ ਅਸਮਾਨ 'ਚ ਪਤੰਗ ਚੜ੍ਹਾ ਦਿੱਤੀ । ਪੇਚਾ ਲੜਿਆ । ਡੋਰ ਹੱਥੋਂ ਛੱਡ ਕੇ ਵੇਖੀ । ਪਤੰਗ ਡਗਮਗਈ । ਲੋਕੀਂ ਅੱਡੀਆਂ ਚੱਕ ਚੱਕ ਵੇਖਣ ਲੱਗੇ । ਅਸਮਾਨੇ ਚੜ੍ਹੀ ਪਤੰਗ ਜਦੋਂ ਜ਼ਮੀਨ ਤੇ ਡਿਗਣ ਨੂੰ ਹੋਈ ਲੋਕ ਤਾੜੀਆਂ ਮਾਰ ਮਾਰ ਹੱਸੇ । "ਲੁੱਟ ਲਉ" "ਲੁੱਟ ਲਉ" ਦਾ ਰੌਲਾ ਪਿਆ । ਇਹਨਾਂ ਦੀ ਲੁੱਟ ਤੋਂ ਬਚਾਉਣ ਲਈ ਮੈਂ ਫੇਰ ਡੋਰ ਖਿੱਚੀ । ਮੇਰੀ ਪਤੰਗ ਲੋਕਾਂ ਦੀਆਂ ਅੱਖਾਂ 'ਚ ਰੜਕਣ ਲੱਗੀ । ਫੇਰ ਮੈਂ ਵੀ ਉਹਨਾਂ ਅੱਖਾਂ 'ਚ ਰੋੜ ਵਾਂਗੂ ਰੜਕਣ ਲੱਗਾ...|
ਲੋਕਾਂ ਵਿੱਚ ਗੱਲ ਤੁਰੀ ਕਿ ਮੈਨੂੰ ਪਤੰਗ ਚੜ੍ਹਾਉਣੀ ਨਹੀਂ ਆਉਂਦੀ। ਪੇਚਾ ਲੜਾ ਕੇ ਡੋਰ ਕਟਵਾ ਕਿਉਂ ਨਹੀਂ ਲੈਂਦਾ। ਪਰ ਮੇਰੇ ਹੱਥੋਂ ਪਤੰਗ ਦਾ ਲੁਟਿਆ ਜਾਣਾ ਮੈਨੂੰ ਬੜਾ ਚੁਭਦਾ । ਆਖਰ ਮੈਂ ਲੁਟਵਾਉਣ ਲਈ ਤਾਂ ਪਤੰਗ ਨਹੀਂ ਲਿਆਂਦੀ। ਜੇ ਇਕ ਵਾਰ ਲੁੱਟੀ ਗਈ ਤਾਂ ਅੱਗੇ ਪਤਾ ਨਹੀਂ ਕਿਸ ਕਿਸ ਹਥੋਂ ਲੁੱਟੀ ਜਾਵੇ । ਮੈਂ ਆਪ ਹੀ ਉਸ ਹੱਥ ਪਤੰਗ ਫੜਾ ਦਿੰਦਾਂ ਜਿਸ ਨੂੰ ਚੜ੍ਹਾਉਣ ਦੀ ਜਾਚ ਹੋਵੇ ਅਤੇ ਡੋਰ ਘੁੱਟ ਕੇ ਫੜ ਸਕਦਾ ਹੋਵੇ । ਭਾਵੇਂ ਉਹ ਮੈਨੂੰ ਦੇਖ ਦੇਖ ਦੰਦ ਪੀਹਦਾ ਰਹੇ । ਮਨ ਹੀ ਮਨ ਸੋਚਦਾ ਰਹੇ 'ਵੱਡਾ ਪਤੰਗਬਾਜ਼ ।"
ਵਿਆਹ ਤੋਂ ਪਹਿਲਾਂ ਤਾਂ ਮੈਨੂੰ ਗੁੱਡੀ ਚੜ੍ਹਾਉਣ ਦਾ ਨਾ ਸ਼ੌਕ ਸੀ ਤੇ ਨਾ ਵੱਲ । ਉਦੋਂ ਤਾਂ ਮੈਂ ਪਤੰਗਬਾਜ਼ੀ ਦੇ ਨਾਂ ਤੋਂ ਐਵੇਂ ਡਰਦਾ ਸਾਂ । ਕੋਠੇ ਚੜ੍ਹ ਕੇ ਪੇਚਾ ਲੜਾਉਣ ਨੂੰ ਤਾਂ ਮੈਂ ਮੌਤ ਨੂੰ ਸੱਦਾ ਦੇਣਾ ਕਿਹਾ ਕਰਦਾ ਸਾਂ । ਉਦੋਂ ਤਾਂ ਇਕ ਕੁੜੀ ਨੇ ਹੀ ਮੇਰੀ ਡੋਰ ਨੂੰ ਵਲ ਪਾ ਲਏ ਸਨ ਤੇ ਮੇਰੀ ਪਤੰਗ ਡਗਮਗਾ ਗਈ ਸੀ । ਮੈਥੋਂ ਡੋਰ ਛੁੱਟ ਗਈ । ਉਸਨੇ ਮੈਨੂੰ ਕਿਹਾ ਸੀ, “ਦੇਖ ਨਾ ਪੇਚਾ ਲੜਾ ਕੇ .. ਕਦੇ ਚੜਾਈ ਨ੍ਹੀ ਪਤੰਗ... ਮੈਂ ਅਜ ਤੱਕ ਪਤੰਗ ਈ ਚੜ੍ਹਾਏ ਨੇ ਖਿੱਚ ਲੈ ਡੋਰ...ਚਾੜ੍ਹ ਦੇ ਗੁੱਡੀ ਅਸਮਾਨੀ...|" ਪਰ ਮੇਰੇ ਹੱਥੋਂ ਡੋਰ ਛੁੱਟ ਗਈ ਸੀ । ਉਸਦੇ ਹੱਥੋਂ ਵੀ ਸ਼ਾਇਦ ਡੋਰ ਢਿੱਲੀ ਪੈ ਗਈ । ਮੇਰੀ ਤੇ ਉਹਦੀ ਪਤੰਗ ਟੋਭੇ 'ਚ ਡਿੱਗ ਕੇ ਭਿੱਜ ਗਈ ਸੀ । ਉਦੋਂ ਮੈਂ ਕਿੰਨਾਂ ਭੋਲਾ ਸਾਂ ਪਰ ਅੱਜ ਤਾਂ ਜ਼ਿੱਦ 'ਚ ਆਇਆ ਪੱਕਾ ਪਤੰਗਬਾਜ਼ ਅਖਵਾਉਂਦਾ ਹਾਂ ।
ਮੈਂ ਅਕਸਰ ਸੋਚਦਾ ਕਿ ਇਹ ਬਦਮਾਨੀ ਦੀ ਬੋਝਲ ਪੰਡ ਕਿਉਂ ਖਾਹ-ਮਖਾਹ ਆਪਣੇ ਮੋਢੀ ਲੱਦੀ ਫਿਰਦਾ । ਇਸ ਪੰਡ ਨੂੰ ਚੁਰਾਹੇ ਸੁੱਟ ਕੇ ਅੱਗ ਲਾ ਦੇਣੀ ਚਾਹੁੰਦਾ ਹਾਂ । ਪਰ ਹੁਣ ਤਾਂ ਮੈਂ ਪੰਡ ਨੂੰ ਛੱਡਦਾ, ਪੰਡ ਮੈਨੂੰ ਨਹੀਂ ਛੱਡ ਰਹੀ ।

ਇਸਨੇ ਵੀ ਮੈਨੂੰ ਪੈਰ ਪੈਰ ਤੇ ਹੈਰਾਨ ਕਰਨ ਦੀ ਕੋਸ਼ਿਸ਼ ਕੀਤੀ । ਮੇਰੇ ਦੋਸਤਾਂ ਨਾਲ ਖੁਲ੍ਹ ਕੇ ਗੱਲਾਂ ਕਰਨ ਲੱਗ ਪਈ । ਜਦੋਂ ਮੈਂ ਲੇਟ ਘਰ ਮੁੜਾਂ ਤਾਂ ਇਸ ਨੂੰ ਹੁੰਦਾ ਹੈ ਕਿ ਸ਼ਾਇਚ ਮੈਂ ਕਿਸੇ ਕੁੜੀ ਨੂੰ ਮਿਲਕੇ ਆ ਰਿਹਾ ਹੋਵਾਂ | ਤਾਂ ਮੈਨੂੰ ਚਿੜ੍ਹਾਉਂਣ ਲਈ ਕਹੇਗੀ “ਹੁਣ ਤਾਂ ਫਲਾਣਾ ਜਬ੍ਹਲ ਜਿਆ ਨ੍ਹੀਂ ਕਦੇ ਆਇਆ ?" ਮੈਂ ਧੁਰ ਤੀਕ ਸੀਖਿਆ ਜਾਂਦਾ ਹਾਂ । ਵਿਚੇ ਵਿਚ ਇਹ ਵੀ ਸੋਚ ਜਾਂਦਾ ਹਾਂ

10/ਖ਼ਜ਼ਾਨਾ