ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/19

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਏਸ ਜਨਮ ਨਾ ਜਨਮੇ ਮਾਧਉ ਸਾਡੇ ਬੱਚੇ ! ਤੂੰ ਜੋ ਕੱਦ ਵਿੱਚ ਮੇਰੇ ਨਹੁੰ ਤੋਂ ਨਿੱਕਾ ਮੈਂ ਹਫ਼ਤੇ ਹਫ਼ਤੇ ਤੇਰੀ ਉਮਰਾ ਮੇਰੇ ਪੋਟਿਆਂ ਤੋ ਥੋੜੀ ਸੀ ਘਰ ਤੇਰਾ ਅਜੇ ਮਾਂ ਦੀ ਕੁੱਖ ਸੀ ਤੂੰ ਤਾਂ ਨਹੀਂ ਰਿਹਾ ... ਅਸੀਂ ਹਾਲੇ ਵੀ ਤੇਰੇ ਮਾਂ ਪਿਤਾ ... ਆਉਣ ਤੋਂ ਪਹਿਲਾਂ ਹੀ ਕੋਈ ਕਿੱਦਾਂ ਜਾਂਦਾ ... ਇਹ ਸਭ ਤੇਰੇ ਵਿਛੜਣ ਮਗਰੋਂ ਜਾਣਿਆ ਕੁੱਖ ਤੇ ਹੱਥ ਧਰ ਮਾਂ ਆਖੇ ਪਹਿਲੀ ਵਾਰ ਓਸ “ਖਾਲੀ` - ਸ਼ਬਦ ਦਾ ਅਰਥ ਜਾਣਿਆ ... ਮਾਂ ਬਾਪ ਹੋ ਜਾਵਣ ਮਗਰੋਂ ਮਾਂ ਬਾਪ ਨਾ ਹੋਣਾ । ਕਿਵੇਂ ਅਸੰਭਵ ਹੁੰਦਾ ... ਪੱਲਾ ਖਾਲੀ ਹੁੰਦੇ ਸੁੰਦੇ ਜੀਅ ਕਿੰਜ ਭਰਿਆ ਹੁੰਦਾ ... ਮਾਂ ਦੀ ਕੁੱਖ ਵਿਚ ਆ ਗਿਆ ਸੈਂ ਤੂੰ ਕੁੱਖੋਂ ਬਾਹਰ ਆਉਣ ਸਮਾਂ ਨਾ ਆਇਆ ਹਾਲੇ ਹੁਣ ਜਾਣਿਆ ... ਸਮੇਂ ਤੋਂ ਪਹਿਲਾਂ ਹੀ ਘਟਨਾ ਦਾ ਵਾਪਰ ਜਾਣਾ ਓਨਾ ਹੀ ਦੁਖਦਾਈ ਹੁੰਦਾ ਜਿੰਨਾ ਸਮੇਂ ਤੋਂ ਪੱਛੜ ਜਾਣਾ ... ( 15)