ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/28

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਆਪੇ ਹੀ

ਵਗੇ ਹਨੇਰੀ ਪੱਤਾ ਟੁੱਟੇ
ਡਾਲੀ ਵਿੱਚੋਂ ਵਗਿਆ ਹੰਝੂ
ਰੁੱਖ ਦੇ ਚਰਣੀਂ ਜਾ ਡਿੱਗੇ

ਰੁੱਖ ਦਾ ਪਾਣੀ
ਆਪਣੀਆਂ ਹੀ ਜੜ੍ਹਾ ਨੂੰ ਲੱਗੇ
ਪਿੰਡੇ ਜਿੰਮੇ ਉੱਪਰ ਉੱਠੇ
ਫੁੱਲ ਬਣੇ
ਮਸਤਕ ਵਿੱਚ ਉੱਗੇ

ਟੁੱਟਾ ਪੱਤਾ ਧਰਤੀ ਲੱਗੇ
ਰੇਹ ਬਣੇ
ਮਿੱਟੀ ਵਿੱਚ ਰਿੱਧੇ
ਜੜ੍ਹ ਗਲ ਲੱਗੇ
ਜਿਸਮ ਘੁਲੇ
ਪੱਤਾ ਬਣ
ਓਸੇ ਰੁੱਖ ਤੇ ਉੱਗੇ

ਰੁੱਖ ਆਪੇ ਹੀ
ਮਰ ਮਰ
ਆਪਣੇ ਆਪ ਨੂੰ ਜੰਮੇ...

ਆਪਣੀ ਪੀੜ ਹੀ ਫੁੱਲ ਬਣੇ
ਆਪਣੇ ਮਸਤਕ ਮੌਲ਼ੇ
ਮਹਿਕਾਂ ਬਣ ਬਣ ਡੁਲ੍ਹੇ
ਟਾਹਣ ਹੋ ਹੋ ਝੁੱਲੇ....

(24)