ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/36

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਨਦੀ ਤੇ ਕੰਢਾ

ਨਦੀਏ ਨੀ!
ਮੈਂ ਕੰਢੇ ਨੇ
ਤੈਨੂੰ ਆਪਣੀਆਂ ਬਾਹਾਂ ਵਿੱਚ
ਸਾਂਭ ਲਿਆ ਹੈ

ਤੇਰੀ ਡੂੰਘਾਈ-
ਮੇਰੀ ਉਚਾਈ-
ਇੱਕ ਦੂਜੇ ਦੇ ਉਲਟ ਨਹੀਂ
ਇੱਕ ਦੂਜੇ ਵਿੱਚ ਵਾਧਾ ਕਰਦੇ

ਜੁੜ ਕੇ ਰਹੀਏ ਆਪਾਂ
ਫਿਰ ਵੀ
ਤੂੰ ਮੇਰੇ ਵਿੱਚ ਗੁੰਮ ਨਾ ਜਾਵੇਂ
ਮੈਂ ਤੇਰੇ ਵਿੱਚ ਖੁਰ ਨਾ ਜਾਵਾਂ
ਤੇਰੀ ਮੇਰੀ ਹਸਤੀ
ਤਦ ਹੀ ਬਚਦੀ

ਬੇਸ਼ਕ ਵੇਖਣ ਨੂੰ ਇਹ ਜਾਪੇ
ਤੂੰ ਵਗਦੀ
ਮੈਂ ਖੜਾ ਖੜੋਤਾ
ਪਰ ਜਦ ਕੱਠੇ ਰਹਿੰਦੇ
ਆਪਾਂ ਦੋਵੇਂ ਹੀ
ਸਾਗਰ ਅੱਪੜ ਜਾਂਦੇ...

(32)