ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/51

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਠੀਕਰ


ਘੜਾ ਤਿਲਕਦਾ
ਸਾਂਭਣ ਵਾਲੇ ਹੱਥੋਂ
ਹੋਵੇ ਠੀਕਰ ਠੀਕਰ

ਘੜੇ ਦੇ ਪਿੰਡਿਓਂ ਜੰਮੀ ਠੀਕਰ
ਮਾਤ ਪਿਤਾ ਨੂੰ ਲੱਭੇ
ਭਏ ਉਦਾਸੀ
ਵਾਜ ਦਵੇ
ਹਾਣੀ ਬੱਚੇ ਨੂੰ
ਖੇਡਣ ਲਈ

ਠੀਕਰ ਉੱਤੇ ਰੱਖੀ ਠੀਕਰ ਗੇਂਦ ਉਡੀਕੇ
ਮੁੜ ਟਿਕਣਾ ਮੁੜ ਖਿੱਲਰ ਜਾਣਾ
ਨੇਮ ਖੇਡ ਦਾ
ਜਿਸ ਦਿਨ ਇਹ ਮੁੱਕ ਜਾਣਾ
ਖੇਡ ਨੇ ਰੁਕ ਜਾਣਾ...

ਜਿਸ ਪਲ ਬੱਚੇ
ਠੀਕਰ ਨਾਲ
ਖੇਡ ਖੇਡ ਰੱਜ ਜਾਣਾ
ਉਸਨੇ ਆਪ ਘੜਾ ਘੜਣਾ
ਉਸ ਦੇ ਹੱਥੋਂ ਲੰਘੀਆਂ ਟੁੱਟੀਆਂ
ਸਭੋ ਠੀਕਰਾਂ ਮੁੜ ਜੁੜ ਜਾਣਾ

ਹੱਥਾਂ ਘੜਣਾ ਘੜਾ ਪਿਆਰਾ
ਘੜਾ ਘੜੇਗਾ ਬੱਚੇ ਨੂੰ...

(47)