ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/65

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਅਰਜਨ


ਜਿਸ ਪਲ ਅਰਜਨ
ਛੱਡੇ ਤੀਰ
ਗੰਢੇ ਜੁੱਤੀ
ਠੋਕੇ ਮੇਖ
ਵਾਹੇ ਧਰਤੀ

ਉਹ ਅਰਜਨ ਨਾ ਰਹਿੰਦਾ

ਉਸਦੀਆਂ ਬਾਹਾਂ ਤੀਰ ਧਨੁੱਸ਼
ਸੂੰਬਾ ਹੱਥ ਹਥੌੜਾ ਮੁੰਨੀ
ਸਭ ਅਲੋਪ ਹੋ ਜਾਂਦਾ

ਬਚਦੀ ਬਸ ਇਕ ਦ੍ਰਿਸ਼ਟੀ
ਜਾਂ ਉਹ ਬਿੰਦੂ
ਜਿਸ ਤੇ ਦ੍ਰਿਸ਼ਟ ਟਿਕੀ

ਦ੍ਰਿਸ਼ਟੀ ਸ੍ਰਿਸ਼ਟੀ ਇੱਕ ਹੋ ਜਾਂਦੇ
ਕ੍ਰਿਸ਼ਨ ਅਤੇ ਅਰਜਨ ਵਿਚਕਾਰ
ਅੰਤਰ ਮੁੱਕ ਜਾਂਦੇ

ਕ੍ਰਿਸ਼ਨ...
ਜੋ ਇਕ ਦ੍ਰਿਸ਼ਟੀ ਵਿਚ ਸ੍ਰਿਸ਼ਟੀ ਤੱਕੇ
ਸ੍ਰਿਸ਼ਟੀ ਵਿਚ ਅਰਜਨ ਵੀ ਦਿੱਸੇ

ਅਰਜਨ...
ਜਿਸਨੇ ਇੱਕ ਦ੍ਰਿਸ਼ਟੀ ਵਿਚ ਸ੍ਰਿਸ਼ਟ ਸਮੇਟੀ
ਉਸ ਦ੍ਰਿਸ਼ਟੀ ਵਿਚ
ਕ੍ਰਿਸ਼ਨ ਲਈ ਵੀ ਥਾਂ ਨਾ ਕੋਈ...

(63)