ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/67

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਓਦੋਂ ਤੇ ਹੁਣ


ਸ਼ੀਸ਼ਾ ਤੱਕਿਆਂ
ਆਪਣਾ ਤਨ
ਚੰਗਾ ਨਾ ਲੱਗੇ

ਪਹਿਨ ਲਵਾਂ ਮੈਂ
ਧੋ ਸੁਆਰੇ ਚੰਗੇ ਕਪੜੇ
'ਫਿਕਰ' ਮੇਰਾ ਘਟ ਜਾਵੇ
ਮੁੱਕੇ ਨਾ...

ਵੇਲਾ ਸੀ ਕੋਈ
ਪੱਲੇ ਚੰਗੇ ਕਪੜੇ ਨਾ ਸਨ
ਮੰਗਵੇਂ ਕਪੜੇ ਪਾ ਲੈਂਦਾ ਸਾਂ
ਦੂਜਿਆਂ ਅੱਗੇ 'ਪੇਸ਼ ਹੋਣ' ਲਈ

ਉਸ ਵੇਲੇ ਤੇ ਹੁਣ ਵਿਚਕਾਰ
ਅੰਤਰ ਬਹੁਤਾ ਨਹੀਂ

ਫ਼ਿਕਰ ਓਦੋਂ ਵੀ ਲੱਗਿਆ ਰਹਿੰਦਾ
ਫ਼ਿਕਰ ਅਜੇ ਵੀ ਹੈ
ਨੰਗੇ ਹੋਣ ਦੀ ਹਿੰਮਤ
ਨਾ ਓਦੋਂ ਸੀ
ਨਾ ਹੁਣ ਹੈ...

(63)