ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/68

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਧੋਤਾ ਕਪੜਾ



ਗਲ ਪਾਇਆ ਕਪੜਾ ਧੋ ਦੇਵਾਂ

ਕਪੜਾ ਨਿਖਰੇ
ਵੱਟ ਝੁਰੜੀਆਂ ਹੋਣ ਅਲੋਪ
ਜੀਕਰ ਜਾਏ ਬੁਢਾਪਾ
ਪਰਤੇ ਬਚਪਨ
ਕਪੜਾ ਜਾਪੇ ਖੁਸ਼
ਪਿੰਡਾ ਤਣਿਆ ਚਿਹਰਾ ਚਮਕੇ
ਮੁੜਿਆ ਤੀਰਥੋਂ
ਕਪੜੇ ਅੰਦਰ ਪੈ ਜਾਏ ਜਾਨ
ਹੌਲਾ ਹੋਵੇ ਜੀਕਰ
ਮੈਲ ਸੀ ਰੋਗ
ਮੈਲ ਸੀ ਭਾਰ

ਕਪੜਾ ਕਲਵਲ ਹੋਵੇ
ਜੀਕਰ ਪੌਣ 'ਚ ਭਰਿਆ ਜਲ
ਜਿਉਂ ਧਰਤੀ ਜਲ ਭਿੱਜੀ ਹੋਵੇ
ਜਿਵੇਂ ਨੇਤਰੀਂ ਜਲ ਭਰ ਆਵੇ

ਪਿੰਡਾ ਕਰ ਇਸ਼ਨਾਨ
ਸੁੱਚੇ ਮੂੰਹ
ਚਾਈਂ ਚਾਈਂ
ਧੋਤੇ ਕਪੜੇ ਦੇ ਗਲ ਲੱਗੇ

ਧੋਤਾ ਕਪੜਾ
ਵਿਛ ਵਿਛ ਜਾਵੇ
ਮੁੜ ਮੁੜ ਧੋਤੇ ਜਾਣ ਨੂੰ...

(64)