ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/79

ਵਿਕੀਸਰੋਤ ਤੋਂ
ਨੈਵੀਗੇਸ਼ਨ 'ਤੇ ਜਾਓ ਸਰਚ ਤੇ ਜਾਓ
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਨਹੀਂ ਕੀਤੀ ਗਈ

________________

ਚੱਕਰ ਚੱਕਰ ਵਿੱਚ ਘੁੰਮਦੇ ਬੰਦੇ ਨੂੰ ਲੱਗੇ ਹਰ ਕੋਈ ਉਸ ਤੋਂ ਅੱਗੇ ਘੁੰਮਣ ਵਾਲਾ ਥੱਕੇ ਟੁੱਟੇ ਅੱਗੇ ਵੇਖੇ ਪਿੱਛੇ ਵੇਖੇ ਇਕ ਵਾਰ ਅੰਦਰ ਨਾ ਝਾਕੇ ਨਾ ਹੀ ਪੁੱਛੇ ਨਾ ਰਸਤਾ ਨਾ ਕੇਂਦਰ ਅਪਣਾ ਘੁੰਮਣ ਵਾਲੇ ਕਿਤੇ ਨਾ ਪੁੱਜਣਾ ਕੇਵਲ ਅਗਲੇ ਬੰਦੇ ਨਾਲੋਂ ਅੱਗੇ ਹੋਣਾ ਕਿਹੜਾ ਵੱਡਾ ਸਰੂਰ .... ? ਅੱਗੇ ਹੋਣਾ ਜਾਂ "ਹੋਣਾ" ਆਪਣਾ ਘੇਰਾ ਆਪਣਾ ਕੇਂਦਰ ਮਿਲ ਵੀ ਜਾਵੇ - ਨਹੀਂ ਵਰਤਣਾ ਨਹੀਂ ਤਾਂ ਕਿਵੇਂ ਤਸੱਲੀ ਮਿਲਣੀ ? ਦੂਜੇ ਦੇ ਪਛੜਣ ਦੀ ... ਏਨੀ ਭੱਜ ਦੌੜ ਮਗਰੋਂ ਵੀ ਘੁੰਮਣ ਵਾਲਾ ਭਇਆ ਉਦਾਸ ਹਰ ਬੰਦੇ ਤੋਂ ਅੱਗੇ ਨਿਕਲਣ ਮਗਰੋਂ ਦਿੱਸੇ ਹੋਰ ਘੁਮੱਕੜ (75)