ਇਹ ਸਫ਼ਾ ਪ੍ਰਮਾਣਿਤ ਹੈ
ਪਰ ਕਵਲਾਂ
ਕੌਰ ਜੀ : ਮਹਾਰਾਜ ਮੇਰਾ ਕੀ ਕਸੂਰ ਮੈਨੂੰ ਤੇ ਪਤਾ ਈ ਨਹੀਂ, ਤੁਹਾਨੂੰ ਕਿਸ ਗਲੇ ਇਤਨਾ ਗੁੱਸਾ ਆਇਆ ਏ?
ਲਾਲ : ਏਦਾਂ ਈ ਹੋਵੇਗਾ ਹੇ ਸ਼ਕਤੀ ਮਾਤਾ! ਸੁਣ, ਪਿਆਰੀ ਦੇਵੀ, ਮੇਰੀ ਬੇਨਤੀ ਕੰਨ ਧਰ ਕੇ ਸੁਣ: ਇਹ ਨਾਸ਼ੁਕਰੀ ਲੜਕੀ ਭਾਵ ਮੇਰੀਓ ਈ ਧੀ ਏ; ਪਰ ਇਹ ਇਸ ਜੋਗ ਨਹੀਂ ਕਿ ਇਸਦੇ ਘਰ ਉਲਾਦ ਹੋਵੇ ਅਕ੍ਰਿਤਘਣ ਉਲਾਦ ਵਧਾਣ ਦਾ ਕੀ ਲਾਭ? ਇਸ ਲਈ ਸੁੰਞੀ ਹੋ ਜਾਏ ਇਸ ਦੀ ਕੁੱਖ, ਸੜ ਜਾਏ ਇਸਦੀ ਰਿਹਮ, ਨ ਇਸ ਨੂੰ ਬਾਲ ਜੰਮੇ ਤੇ ਨ ਇਸ ਚੁੜੇਲ ਦਾ ਕੋਈ ਨਾਂ ਲਏ ਪਰ ਜੇ ਇਸ ਜਣਦਿਆਂ ਖਾਣੀ ਡੈਣ ਦੇ ਭਾਗੀਂ ਕੋਈ ਬਾਲ ਹੈ ਤਾਂ ਹੇ ਦੇਵੀ, ਨਿਰੀ ਵਿਹੁ ਈ ਇਸ ਦੀ ਕੁਖੇ ਪਾ, ਉਸਦਾ ਇਕ ੨ ਬੋਲ ਕਾਲੇ ਨਾਗ ਦਾ ਡੰਗ ਹੋ ਲੱਗਸ ਤੇ ਇਹ ਬਾਲ ਦੇ ਦੁਖੋਂ ਰੋ ਰੋ ਫਾਹਵੀ ਹੋਵੇ। ਜਿਵੇਂ ਇਸ ਮੇਰੇ ਨਾਲ ਕੀਤੀ ਏ, ਇਸ ਤੋਂ ਸੌ ਗੁਣਾਂ ਵਧ ਇਸ ਨਾਲ
੬੫.