ਇਹ ਸਫ਼ਾ ਪ੍ਰਮਾਣਿਤ ਹੈ
ਸ਼ੱਕਰ ਖੰਡ ਕਹੇ ਮਿਸ਼ਰੀ ਨੂੰ ਮੇਰੀ ਵੇਖ ਸਫਾਈ।
ਚਿੜਵੇ ਚਨੇ ਇਹ ਕਰਨ ਲੱਗੇ ਬਦਾਨੇ ਨਾਲ ਲੜਾਈ।
ਚੂਹਿਆਂ ਕੰਨ ਬਿੱਲੀ ਦੇ ਕੁਤਰੇ ਹੋ-ਹੋ ਕੇ ਖੁਸ਼ਹਾਲ
ਕਪੂਰੀ ਰੇਵੜੀ.....
ਬੁਲ੍ਹਾ ਸ਼ਹੁ ਹੁਣ ਕਿਆ ਬਤਾਵੇ ਜੋ ਦਿਸੇ ਸੋ ਲੜਦਾ।
ਲੱੜ-ਬਲੱਤ ਗੁੱਤ-ਬਗੁੱਤੀ ਕੋਈ ਨਹੀਂ ਹੱਥ ਫੜਦਾ
ਖੇਵੋ ਜੇਹੀ ਕਿਆਮਤ ਆਈ ਆਇਆ ਖਰ ਦੱਜਾਲ।
ਕਪੂਰੀ ਰੇਵੜੀ ਕਿਉਂ ਕਰ ਲੜੀ ਪਤਾਸੇ ਨਾਲ
ਖੇਡ ਲੈ ਵਿਹੜੇ ਵਿੱਚ ਘੁੰਮੀ ਘੁੰਮ
ਖੇਡ ਲੈ ਵਿਹੜੇ ਵਿੱਚ ਘੁੰਮੀ-ਘੁੰਮ
ਖੇਡ ਲੈ ਵਿਹੜੇ ਵਿੱਚ.....
ਇਸ ਵਿਹੜੇ ਵਿੱਚ ਆਲਾ ਸੋਂਹਦਾ
ਆਲੇ ਦੇ ਵਿੱਚ ਤਾਕੀ
ਤਾਕੀ ਦੇ ਵਿੱਚ ਸੇਜ ਵਿਛਾਵਾਂ
ਨਾਲ ਪੀਆ ਸੰਗ ਰਾਤੀ
ਖੇਡ ਲੈ ਵਿਹੜੇ ਵਿੱਚ.....
ਏਸ ਵਿਹੜੇ ਦੇ ਨੌ ਦਰਵਾਜੇ਼
ਦਸਵਾਂ ਗੁਪਤ ਰਖਾਤੀ।
ਓਸ ਗਲੀ ਦੀ ਮੈਂ ਸਾਰ ਨਾ ਜਾਣਾਂ
ਜਹਾਂ ਆਵੇ ਪੀਆ ਜਾਤੀ।
ਖੇਡ ਲੈ.....
ਏਸ ਵਿਹੜੇ ਵਿੱਚ ਚਰਖਾ ਸੋਂਹਦਾ।
ਆਲੇ ਦੇ ਵਿੱਚ ਤਾਕੀ
ਆਪਣੇ ਪੀਆ ਨੂੰ ਯਾਦ ਕਰੇਗਾ
99
