ਇਹ ਸਫ਼ਾ ਪ੍ਰਮਾਣਿਤ ਹੈ
ਇਸ਼ਕ ਅੰਗੀਠੀ ਹਰਮਲ ਤਾਰੇ
ਸੂਰਜ ਅਗਨ ਚੜ੍ਹਾਵਾਂਗੀ।
ਟੂਣੇ ਕਾਮਨ.....
ਨਾ ਮੈਂ ਵਿਆਹੀ ਨਾ ਮੈਂ ਕੁਆਰੀ
ਬੇਟਾ ਗੋਦ ਖਿਲਾਵਾਂਗੀ।
ਟੂਣੇ ਕਾਮਨ.....
ਬੁਲ੍ਹਾ ਲਾ-ਮਕਾਨ ਦੀ ਪਟੜੀ ਉੱਤੇ
ਬਹਿ ਕੇ ਨਾਦ ਵਜਾਵਾਂਗੀ।
ਟੂਣੇ ਕਾਮਨ ਕਰਕੇ ਨੀ ਮੈਂ
ਪਿਆਰਾ ਯਾਰ ਮਨਾਵਾਂਗੀ।
ਤੇਰਾ ਨਾਮ ਧਿਆਈਦਾ
ਤੇਰਾ ਨਾਮ ਧਿਆਈਦਾ।
ਸਾਈਂ ਤੇਰਾ ਨਾਮ ਧਿਆਈਦਾ।
ਬੁੱਲ੍ਹੇ ਨਾਲੋਂ ਚੁੱਲਾ ਚੰਗਾ
ਜਿਸ ਘਰ ਤੁਆਮ ਪਕਾਈਦਾ।
ਰਲ ਫਕੀਰਾਂ ਮਜਲਿਸ ਕੀਤੀ
ਭੋਰਾ-ਭੋਰਾ ਖਾਈਦਾ।
ਰੰਗੜ ਨਾਲੋਂ ਖੰਗਰ ਚੰਗਾ
ਜਿਸ ਪਰ ਪੈਰ ਘਸਾਈਦਾ
ਬੁੱਲ੍ਹਾ ਸ਼ਹੁ ਨੂੰ ਸੋਈ ਪਾਵੇ
ਜੋ ਬੱਕਰਾ ਬਣੇ ਕਸਾਈ ਦਾ
102
