ਪੰਨਾ:ਕਾਫ਼ੀਆਂ ਬੁੱਲ੍ਹੇ ਸ਼ਾਹ - ਚਰਨ ਪਪਰਾਲਵੀ.pdf/105

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਤੇਰਾ ਨਾਮ ਧਿਆਈਦਾ
ਸਾਈਂ ਤੇਰਾ ਨਾਮ ਧਿਆਈਦਾ।

"'

ਤੁਸੀਂ ਆਓ ਮਿਲੋ ਮੇਰੀ ਪਿਆਰੀ

"'

ਤੁਸੀਂ ਆਓ ਮਿਲੋ ਮੇਰੀ ਪਿਆਰੀ।
ਮੇਰੇ ਟੁਰਨੇ ਦੀ ਹੋਈ ਤਿਆਰੀ।

ਸੱਭੇ ਰਲ ਕੇ ਤੋਰਨ ਆਈਆਂ।
ਮਾਮੀਆਂ ਫੁੱਫੀਆਂ ਚਾਚੀਆਂ ਤਾਈਆਂ।
ਸੱਭੇ ਰੋਂਦੀਆਂ ਜ਼ਾਰੋ-ਜ਼ਾਰੀ
ਮੇਰੇ ਟੂਰਨੇ ਦੀ....

ਸੱਭੇ ਆਖਣ ਇਹ ਗੱਲ ਜਾਣੀ।
ਰਵ੍ਹੀਂ ਤੂੰ ਹਰਦਮ ਹੋ ਨਿਮਾਣੀ।
ਤਾਹੀਂ ਲੱਗੇਗੀ ਉਥੇ ਪਿਆਰੀ।
ਮੇਰੇ ਟੁਰਨੇ....

ਸੱਭੇ ਟੋਰ ਘਰਾਂ ਨੂੰ ਮੁੜੀਆਂ।
ਮੈਂ ਹੋ ਇੱਕ ਇਕੱਲੜੀ ਟੁਰੀ ਆਂ।
ਹੋਈ ਆਂ ਡਾਰੋਂ ਮੈਂ ਕੂੰਜ ਨਿਆਰੀ
ਮੇਰੇ ਟੁਰਨੇ...

ਬੁਲ੍ਹਾ ਸ਼ਹੁ ਮੇਰੇ ਘਰ ਆਵੇ।
ਮੈਂ ਕੁਚੱਜੀ ਨੂੰ ਲੈ ਗਲ ਲਾਵੇ।
ਇੱਕੋ ਸ਼ਹੁ ਦੀ ਏ ਬਾਤ ਨਿਆਰੀ।
ਮੇਰੇ ਟੁਰਨੇ ਦੀ ਹੋਈ ਤਿਆਰੀ।

ਤੁਸੀਂ ਆਓ ਮਿਲੋ ਮੇਰੀ ਪਿਆਰੀ
ਮੇਰੇ ਟੁਰਨੇ ਦੀ ਹੋਈ ਤਿਆਰੀ।

103