ਕੇਸਰ ਬੀਜ ਜੋ ਕੇਸਰ ਜੰਮੇ ਲਸਨ ਬੀਜ ਕੀਹ ਖਾਵੇਂਗਾ?
ਹਜਾਬ ਕਰੇਂ ਦਰਵੇਸ਼ੀ ਕੋਲੋਂ ਕਦ ਤਕ ਹੁਕਮ ਚਲਾਵੇਂਗਾ
ਕਰੋ ਕਮਾਈ ਮੇਰੇ ਭਾਈ ਏਹੋ ਵਕਤ ਕਮਾਵਨ ਦਾ
ਦਾਨੇ ਸਿਤਾਰਾਂ ਪੈਂਡੇ ਨੇਂ ਹੁਨ ਦਾ ਨਾ ਬਾਜ਼ੀ ਹਾਰਨ ਦਾ
ਉਜੜੀ ਖੇਡ ਛਪਣਗੀਆਂ ਨਰਦਾਂ ਝਾੜ ਦੁਕਾਨ ਉਠਾਵੇਂਗਾ
ਹਜਾਬ ਕਰੇਂ ਦਰਵੇਸ਼ੀ ਕੋਲੋਂ ਕਦ ਤਕ ਹੁਕਮ ਚਲਾਵੇਂਗਾ
ਖਾਵੇਂ ਰਾਸ ਚਬਾਵੇਂ ਬੀੜੇ ਅੰਗ ਪੋਸ਼ਾਕ ਲਗਾਇਆ ਈ
ਟੇਢੀ ਪਗੜੀ ਆਕੜ ਚੱਲੋਂ ਜੁੱਤੀ ਪੈਰ ਅੜਾਇਆ ਈ
ਪਲ ਦੀ ਹੈਂ ਤੂੰ ਜਮ ਦਾ ਬੱਕਰਾ ਅਪਨਾ ਆਪ ਕੁਹਾਵੇਂਗਾ
ਹਜ਼ਾਬ ਕਰੇਂ ਦਰਵੇਸ਼ੀ ਕੋਲੋਂ ਕਦ ਤਕ ਹੁਕਮ ਚਲਾਵੇਂਗਾ
ਪੜ੍ਹ ਸਬਕ ਮੁਹੱਬਤ ਓਸੇ ਦਾ ਤੂੰ ਬੇਮੂਜਬ ਕਿਉਂ ਉੜਨਾ ਈਂ
ਪੜ੍ਹ ਪੜ੍ਹ ਕਿੱਸੇ ਜੀ ਪਰਚਾਵੇਂ ਅੱਖੀਂ ਵਿਚ ਕਿਉਂ ਵੜਨਾ ਈਂ
ਹਰਫ਼ ਇਸਕ ਦਾ ਇਕੋ ਨੁਕਤਾ ਕਿਉਂ ਕਰ ਕੁਝ ਹੋਰ ਉਠਾਵੇਂਗਾ
ਹਜਾਬ ਕਰੇਂ ਦਰਵੇਸ਼ੀ ਕੋਲੋਂ ਕਦ ਤਕ ਹੁਕਮ ਚਲਾਵੇਂਗਾ
ਐਥੇ ਗੋਮਲ ਵਾਸਾ ਏ ਵੱਸਨ ਨੂੰ ਓਥੇ ਡੇਰਾ ਏ
ਲੈ ਲੈ ਤੁਹਫੇ ਘੱਲ ਘਰਾਂ ਨੂੰ ਏਹੋ ਵੇਲਾ ਤੇਰਾ ਏ
ਓਥੇ ਹੱਥ ਨਾ ਲਗਦਾ ਏ ਕੁਝ ਐਥੋਂ ਈ ਲੈ ਜਾਵੇਂਗਾ
ਹਜਾਬ ਕਰੇਂ ਦਰਵੇਸ਼ੀ ਕੋਲੋਂ ਕਦ ਤਕ ਹੁਕਮ ਚਲਾਵੇਂਗਾ
ਕਰ ਲੈ ਸੌਦਾ ਪਾਸ ਸੁਦਾਗਰ ਵੇਲਾ ਹੱਥ ਨਾ ਆਵੇਗਾ
ਵਨਜ ਵਨੋਟੇ ਨਾਲ ਸਤਾਬੀ ਵਨਜਾਰਾ ਉਠ ਜਾਵੇਗਾ
ਤਦੇ ਹੋ ਨਹੀਂ ਕੁਝ ਸਕੇਗਾ ਜਦ ਕੂਚ ਨਗਾਰਾ ਵਜਾਵੇਂਗਾ
ਹਜਾਬ ਕਰੇ ਦਰਵੇਸੀ ਕੋਲੋਂ ਕਦ ਤਕ ਹੁਕਮ ਵਜਾਵੇਂਗਾ
ਕੱਲਾ ਏਥੋਂ ਜਾਨਾ ਏ ਤੇ ਸੰਗ ਨਾ ਕੋਈ ਜਾਵੇਗਾ
ਖਵੇਸ਼ ਕਬੀਲਾ ਰੋਂਦਾ ਪਿੱਟਦਾ ਰਾਹੋਂ ਈ ਮੁੜ ਆਵੇਗਾ
123
