ਇਹ ਵਰਕੇ ਦੀ ਤਸਦੀਕ ਕੀਤਾ ਹੈ
ਜਿਉਂ ਡੱਗੇ ਦੇ ਮਗਰੋਂ ਢੋਲ।
ਅਸੀਂ ਤਾਂ ਵੀ ਆਂ ਅਡੋਲ।
ਬੁਲੇ ਸ਼ਾਹ ਮੈਨੂੰ ਕਾਹਦਾ ਤੌਂਖਲਾ
ਤੈਂਡਾ ਸਾਈਂ ਬੈਠਾ ਕੋਲ।
ਇੱਕੋ ਰੰਗ ਕਪਾਈ ਦਾ
ਇੱਕੋ ਰੰਗ ਕਪਾਈ ਦਾ।
ਸਭੋ ਇੱਕ ਰੰਗ ਕਪਾਈ ਦਾ।
ਇਕ ਆਪੇ ਰੂਪ ਵਟਾਈ ਦਾ।
ਅਰੂੜੀ ਜੇ ਗੱਦੋਂ ਚਰਾਵੇ
ਸੋ ਵੀ ਵਾਗੀ ਗਾਈ ਦਾ।
ਸਭ ਨਗਰਾਂ ਵਿੱਚ ਆਪੇ ਵੱਸੇ
ਉਹੋ ਮੇਹਰ ਸਰਾਈਂ ਦਾ।
ਇੱਕੋ ਰੂਪ.....
ਹਰ ਜੀ ਆਪੇ ਹਰ ਹੋ ਖੇਲ੍ਹੇ
ਸੱਦਿਆ ਚਾਈਂ ਚਾਈਂ ਦਾ
ਬਾਜ ਬਹਾਰਾਂ ਤਾਂ ਤੂੰ ਵੇਖੇਂ
ਥੀਵੇਂ ਚਾਕ ਅਰਾਈਂ ਦਾ
ਇੱਕੋ ਰੂਪ.....
ਇਸ਼ਕ ਮੁਸ਼ਕ ਦੀ ਸਾਰ ਕੀ ਜਾਣੇ
ਕੁੱਤਾ ਸੂਰ ਸਰਾਈ ਦਾ।
ਬੁਲ੍ਹਾ ਤਿਸਨੂੰ ਵੇਖ ਹਮੇਸ਼ਾਂ ਇਹ ਹੈ ਦਰਸ਼ਨ ਸਾਈਂ ਦਾ।
ਇੱਕੋ ਰੂਪ ਕਪਾਈ ਦਾ
ਸਭ ਇੱਕੋ.....
93
