ਪੰਨਾ:ਕੇਸਰ ਕਿਆਰੀ.pdf/51

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


14. ਕੀ ਡਿੱਠਾ ?

ਦੁਨੀਆਂ ਸਾਜਣ ਵਾਲੇ ਸਾਈਂ !
ਜੀਆਂ ਦੇ ਰਖਵਾਲੇ ਸਾਈਂ !
ਦਿਲ ਦੀ ਤਾਰ ਹਿਲਾਉਣ ਵਾਲੇ !
ਚੰਗਿਆਈ ਵਲ ਲਾਉਣ ਵਾਲੇ !
ਪ੍ਰੇਮ ਤਰਾਨੇ ਛੇੜਨ ਵਾਲੇ !
ਕਲੀ ਧਰਮ ਦੀ ਖੇੜਨ ਵਾਲੇ !
ਧਰਤ ਅਕਾਸ਼ ਹੁਕਮ ਵਿਚ ਤੇਰੇ,
ਤੇਰੀ ਮਰਜ਼ੀ ਰੂਹਾਂ ਪਰੇਰੇ ।
ਸਚਿਆਈ ਦਾ ਤੂੰ ਦੀਵਾਨਾ,
ਪ੍ਰੇਮ-ਸ਼ਮਾ ਦਾ ਤੂੰ ਪਰਵਾਨਾ ।
ਚੰਗਿਆਂ ਤੋਂ ਤੂੰ ਸਦਕੇ ਜਾਵੇਂ,
ਬੁਰਿਆਂ ਨੂੰ ਤੂੰ ਮੂੰਹ ਨਾ ਲਾਵੇਂ ।
ਪਰ ਗੁਸਤਾਖ਼ੀ ਬਖ਼ਸ਼ੀ ਜਾਵੇ,
ਖੇਲ ਤੇਰੇ ਦੀ ਸਮਝ ਨ ਆਵੇ ।
ਤੇਰੀ ਖ਼ਲਕਤ ਦੇ ਵਿਚ ਆ ਕੇ,
ਮਾਨੁਖਤਾ ਦਾ ਚੋਲਾ ਪਾ ਕੇ ।
ਹਰ ਥਾਂ ਦੇਖੀ ਧੋਖੇਬਾਜ਼ੀ,
ਖੋਟੀ ਧਾਤ ਮੁਲੰਮਾ ਸਾਜ਼ੀ ।
ਉੱਪਰ ਕਾਨੇ, ਥੱਲੇ ਟੋਏ,
ਝੂਠੇ ਸਾਂਗ ਬਣਾਏ ਹੋਏ ।

੨੦