ਪੰਨਾ:ਕੌਡੀ ਬਾਡੀ ਦੀ ਗੁਲੇਲ - ਚਰਨ ਪੁਆਧੀ.pdf/14

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਸੱਚੇ ਬੋਲ

ਧਰਤੀ ਸਾਡੀ ਗੋਲ-ਮਟੋਲ।
ਸਦਾ ਹੀ ਬੋਲੋ ਮਿੱਠੇ ਬੋਲ।
ਘੁੰਮੋ ਚਾਹੇ ਦੇਸ਼-ਵਿਦੇਸ਼।
ਯਾਦ ਮਾਂ ਬੋਲੀ ਰੱਖੋ ਹਮੇਸ਼।
ਕੱਟੋ ਹੱਸਕੇ ਭੀੜ-ਸਘੀੜ।
ਆਪਣੀ ਜਾਣੋ ਸਭ ਦੀ ਪੀੜ।
ਰੱਖੋ ਸਭ ਨਾਲ ਮੇਲ-ਸੁਮੇਲ।
ਇੱਛਾਵਾਂ ਨੂੰ ਪਾਓ ਨੁਕੇਲ।
ਰਹੋ ਨਾ ਬਣਕੇ ਗੁੰਨ-ਮਟੁੰਨ।
ਸਫਲ ਬਣਾਉਂਦੀ ਪੱਕੀ ਧੁਨ।
ਖੜੇ ਕਰੋ ਨਾ ਵਾਦ-ਵਿਵਾਦ।
ਰੱਬ ਤੇ ਮੌਤ ਨੂੰ ਰੱਖੋ ਯਾਦ।
ਨਾ ਅਪਣਾਓ ਸੂਰ-ਕਸੂਰ।
ਸਦਾ ਬਦੀ ਤੋਂ ਰਹਿਣਾ ਦੂਰ।
ਕਰੋ ਤਰੱਕੀ ਦਿਨ-ਬ-ਦਿਨ।
ਜ਼ਿੰਦਗੀ ਨਾ ਕੁਸ਼ ਵਿਦਿਆ ਬਿਨ।
ਰੱਖੋ ਨਾ ਮਨ ਵਿੱਚ ਮੈਲ-ਕੁਚੈਲ।
ਸੱਚ ਆਖਦਾ ‘ਚਰਨਾ’ ਰੈਹਲ।

ਕੌਡੀ-ਬਾਡੀ ਦੀ ਗੁਲੇਲ - 12