ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਦਰਯਾ ਦੀ ਇਕ ਲਹਰ ਇਉਂ ਵਗਦੀ,,
ਦੂਜੀ ਊਂ ਵਗਦੀ, ਖਬਰ ਨਹੀਂ ਪੈਂਦੀ ਕਿਉਂ ਵਗਦੀ,
ਪਵਨ ਦੇ ਵੇਗ ਨਾਲ ਉੱਠਦੀਆਂ,
ਲਹਰਾਂ ਨੂੰ ਕੀ ਜਿਮੇਵਾਰੀ ?
ਹਵਾ ਨਾਲ ਪਾਣੀ ਕਿਉਂ ਕੰਬਦਾ ?
ਜੇ ਲਹਰਾਂ ਦੀ ਪਛਾੜ ਦੀ ਕਰਮ-ਗਿਣਤੀ,
ਮਿਤ੍ਰੋ ਪਾਣੀਆਂ ਨੂੰ ਹਿਠਾਹਾਂ ਖਿੱਚੇ ਕੌਣ ?
ਕੌਣ ਚਾਹੜਦਾ ਓਤਾਹਾਂ ਨੂੰ,
ਸ਼ਕਲਾਂ ਹਰ ਸਾਂਨਯੇ ਲਖ, ਲਖ ਵਖਰੀਆਂ !
… … …
… … …
ਮੀਂਹ ਪੈਂਦਾ, ਤੇ ਬਣਾਂਦਾ, ਨਿੱਕੀਆਂ ਨਿੱਕੀਆਂ,
ਤਲਾਉੜੀਆਂ,
ਗਲੀਆਂ ਦੀ ਨਿੱਕੀ ਨਿੱਕੀ ਸੁੱਕੀ ਰੇਤ ਤੇ ਪਾਣੀ ਟੁਰਦੇ,
ਤੇ ਪਾਣੀਆਂ ਤੇ ਮੀਂਹ ਦੀਆਂ ਕਣੀਆਂ ਦਾ ਡਿੱਗਣਾ,
ਤੇ ਬੂੰਦਾਂ ਦਾ ਆਪਣੇ ਵਿਛਾਏ ਜਲਾਂ ਤੇ ਬੁਦਬੁਦੇ ਬਣਨਾ,
ਘੜੀ, ਘੜੀ ਬਣਨਾ, ਬਿਨਸਨਾ, ਮਰਣ ਜੀਣ ਤਾਂ ਇੱਕੋ
ਘੜੀ ਅਕਹ ਜਿਹਾ ਨਾਚ ਬੁਦਬਦਿਆਂ ਦਾ ।
ਉਹ ਨੱਚਣਾ ਖੁਸ਼ੀ ਵਿਚ, ਉੱਠਣਾ, ਭੱਜਣਾ ਪਾਣੀਆਂ
ਟੁਰਦਿਆਂ ਤੇ, ਹੋਣਾ-ਨ-ਹੋਣਾ ਬਰਾਬਰ ਹਰ
ਪਾਸਿਓਂ,
ਤੇ ਮੁੜ ਲੱਖਾਂ ਵਿਚ ਹਰ ਇਕ ਵੱਖਰੇ ਬੁਦਬੁਦੇ ਦਾ
ਨਾਚ ਆਪਣਾ,
੧੫
