ਇਹ ਸਫ਼ਾ ਪ੍ਰਮਾਣਿਤ ਹੈ
294
ਮੈਂ ਤਾਂ ਜੇਠ ਨੂ ਜੀ ਜੀ ਕਹਿੰਦੀ
ਮੈਨੂੰ ਕਹਿੰਦਾ ਫੋਟ
ਜੇਠ ਨੂੰ ਅੱਗ ਲਗ ਜੇ
ਸਣੇ ਪਜਾਮੇ ਕੋਟ
295
ਨਹੀਂ ਤਾਂ ਜੇਠਾ ਵਿਆਹ ਕਰਾ ਲੈ
ਨਹੀਂ ਤਾਂ ਕਰ ਲੈ ਕੰਧ ਵੇ
ਮੈਂ ਬੁਰੀ ਸੁਣੀਂਂਦੀ-
ਨਬਜ਼ਾਂ ਕਰਦੂੰ ਬੰਦ ਵੇ
296
ਦਿਓਰ-ਭਰਜਾਈ
ਬਾਹਰੋਂ ਆਇਆ ਦੇਵਰ ਜਲ਼ਿਆ ਕੁੜ੍ਹਿਆ
ਭੰਨਤੇ ਭਾਬੀ ਦੇ ਪਾਸੇ
ਮੈਂ ਤਾਂ ਦਿਓਰਾ ਤੈਨੂੰ ਕੁਛ ਨਾ ਆਖਿਆ
ਤੈਂ ਕਿਉਂ ਚਾਰ ਗੰਦਾਲੇ ਮਾਰੇ
ਆਉਂਦੂੰ ਰਾਂਝੇ ਨੂੰ-
ਹਾਲ ਸੁਣਾਂਦੂੰ ਸਾਰੇ
297
ਸੁਣ ਓ ਭਰਾਵਾ ਤੈਂ ਕਿਉਂ ਮਾਰਿਆ
ਰੋਂਦੀ ਝੱਲੀ ਨਾ ਜਾਵੇ
ਲਿਆਂਦੀ ਦਮ ਲਾਕੇ-
ਸਾਥੋਂ ਨਿਤ ਨਾ ਕੁਟਾਈ ਜਾਵੇ
298
ਜੇ ਮੁੰਡਿਆ ਤੈਨੂੰ ਸੱਚ ਨੀ ਆਉਂਦਾ
ਲੋਕ ਖੜੇ ਸੀ ਚਾਲੀ
ਫੜਦੀ ਫੜਦੀ ਦੇ-
ਡਾਂਗ ਪੱਟਾਂ ਤੇ ਮਾਰੀ
299
ਤਾਂ ਕੀ ਹੋਇਆ ਕਰਲੀ ਮਸ਼ਕਰੀ
ਮੈਂ ਬਰਛੀ ਨਾ ਮਾਰੀ
ਕਾਹਨੂੰ ਛੇੜੀ ਸੀ-
ਨਾਗਾਂ ਦੀ ਪਟਿਆਰੀ
300
ਆ ਨੀ ਜੈ ਕੁਰੇ ਪਾਣੀ ਨੂੰ ਚੱਲੀਏ
ਈਸੋ ਹਾਕਾਂ ਮਾਰੇ
102
