ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/121

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਮਾਸ ਸ਼ਰਾਬ ਕਦੇ ਨੀ ਛੱਡਦਾ
ਦੇਖ ਉਸ ਦੀਆਂ ਕਾਰਾਂ
ਗਹਿਣੇ ਕਪੜੇ ਲੈ ਗਿਆ ਸਾਰੇ
ਕੂਕਾਂ ਕਹਿਰ ਦੀਆਂ ਮਾਰਾਂ
ਜੀ ਚਾਹੇ ਤਾਂ ਸੋਟਾ ਫੇਰੇ
ਦੁਖੜੇ ਨਿਤ ਸਹਾਰਾਂ
ਚੋਰੀ ਯਾਰੀ ਦੇ ਵਿੱਚ ਪੱਕਾ
ਨਿਤ ਪਾਵੇ ਫਟਕਾਰਾਂ
ਕਦੀ ਕਦਾਈਂ ਘਰ ਜੇ ਆਵੇ
ਮਿੰਤਾਂ ਕਰ ਕਰ ਹਾਰਾਂ
ਛੱਡਦੇ ਵੈਲਾਂ ਨੂੰ-
ਲੈ ਲੈ ਤੱਤੀ ਦੀਆਂ ਸਾਰਾਂ
350
ਢੈ ਜਾਣੇ ਦਾ ਜੂਆ ਖੇਡਦਾ
ਬੈਲ ਕਰੇਂਦਾ ਭਾਰੇ
ਕਲ੍ਹ ਤਾਂ ਮੇਰੀਆਂ ਡੰਡੀਆਂ ਹਾਰ ਗਿਆ
ਪਰਸੋਂ ਹਾਰ ਗਿਆ ਵਾਲੇ
ਹੱਸ ਤੇ ਖੋਖੜੂ ਲੈ ਗਿਆ ਮੰਗ ਕੇ
ਕਰ ਗਿਆ ਘਾਲੇ ਮਾਲੇ
ਵੀਹਾਂ ਦਾ ਹੱਸ ਧਰਤਾ ਪੰਜਾਂ 'ਚ
ਦੇਖ ਪੱਟੂ ਦੇ ਕਾਰੇ
ਮਾਪਿਆਂ ਬਾਹਰੀ ਨੇ-
ਲੇਖ ਲਿਖਾ ਲਏ ਮਾੜੇ

117