ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/139

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


412
ਨੰਦ ਕੁਰ ਚੰਦ ਕੁਰ ਦੋਨੋਂ ਭੈਣਾਂ
ਆਈਆਂ ਸਕੂਲੋਂ ਪੜ੍ਹ ਕੇ
ਸ਼ੀਸ਼ੇ ਥਾਈਂ ਮੁਖੜਾ ਦੇਖਣ
ਕਿੱਸੇ ਪੜ੍ਹਦੀਆਂ ਰਲਕੇ
ਫੱਟੀ ਬਸਤਾ ਸਵਾਤ ਵਿੱਚ ਰੱਖ ਕੇ
ਬਹਿ ਗਈਆਂ ਪਲੰਘ ਤੇ ਚੜ੍ਹ ਕੇ
ਗੋਲੀ ਨੈਣਾਂ ਦੀ-
ਮਾਰ ਆਸ਼ਕਾ ਧਰ ਕੇ
413
ਨੰਦ ਕੁਰ ਚੰਦ ਕਰੁ ਦੋਨੋਂ ਭੈਣਾਂ
ਚੰਦ ਸੂਰਜ ਦੀਆਂ ਕਿਰਨਾਂ
ਹੁਸਨ ਦੋਹਾਂ ਨੂੰ ਦੇ ਲਿਆ ਰੱਬ ਨੇ
ਖੰਡ ਤੋਂ ਬਣਾ ਲਿਆ ਖੁਰਮਾ
ਅੱਖੀਆਂ ਜਾ ਲੱਗੀਆਂ
ਹੁਣ ਮੁਸ਼ਕਲ ਹੋ ਗਿਆ ਮੁੜਨਾ
ਆਪਣੇ ਯਾਰ ਬਿਨਾਂ-
ਦੋ ਕਰਮਾਂ ਨੀ ਤੁਰਨਾ
414
ਲੁਕ ਲੁਕ ਲਾਈਆਂ ਪਰਗਟ ਹੋਈਆਂ
ਵੱਜ ਗੇ ਢੋਲ ਨਗਾਰੇ
ਯਾਰੀ ਤੇਰੀ 'ਚ ਖੱਟਿਆ ਕੁਸ਼ ਨੀ
ਸੁਣ ਨਮੀਏਂ ਮੁਟਿਆਰੇ
ਅੱਡੀਓਂ ਲੈ ਕੇ ਧੁਰ ਚੋਟੀ ਤਾਈਂ
ਨਕਸ਼ ਗਿਣ ਦਿਆਂ ਸਾਰੇ
ਸਿਰ ਤੇ ਤੇਰੇ ਸੋਂਹਦਾ ਡੋਰੀਆ
ਕੇਸ ਮੱਖਣ ਦੇ ਪਾਲੇ
ਮੱਥਾ ਤੇਰਾ ਚੰਨ ਪੁੰਨਿਆਂ ਦਾ
ਪੈਂਦੇ ਨੇ ਚਮਕਾਰੇ
ਸੇਲੀ ਤੇਰੀ ਕਾਲੇ ਨਾਗ ਦੀ
ਡੰਗ ਇਸ਼ਕ ਦੇ ਮਾਰੇ
ਤੂੰ ਮੈਂ ਮੋਹ ਲਿਆ ਨੀ-
ਕੁੰਜ ਪਤਲੀਏ ਨਾਰੇ
415
ਆਸ਼ਕ ਆਸ਼ਕ ਨਾ ਕਰਿਆ ਕਰ ਤੂੰ
ਸੁਣ ਲੈ ਆਸ਼ਕ ਦੇ ਝੇੜੇ

135