ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/153

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਰੋਟੀ ਲੈ ਕੇ ਚੱਲੀਆਂ ਹੌਲਦਾਰ ਦੀ
ਰਾਹ ਵਿੱਚ ਮਰਨ ਤਿਹਾਈਆਂ
ਗੜਵੀ ਭਰ ਮਿੱਤਰਾ-
ਕੂੰਜਾਂ ਮਰਨ ਤਿਹਾਈਆਂ
459
ਜਾਣਹਾਰ ਹੁਣ ਪੱਟੀ ਜਾਂਦਾ
ਧੜੇ ਬਿਗਾਨੇ ਚੜ੍ਹ ਕੇ
ਭਾਈਆਂ ਉਹਦਿਆਂ ਨੂੰ ਹੋਗੀਆਂ ਖ਼ਬਰਾਂ
ਆ ਗੇ ਡਾਂਗਾਂ ਫੜ ਕੇ
ਯਾਰੀ ਵਾਲਿਆਂ ਦੇ-
ਸਿਰ ਤੇ ਗੰਡਾਸੀ ਖੜ ਕੇ
460
ਸੁਣ ਵੇ ਯਾਰਾ ਸੁਣ ਵੇ ਯਾਰਾ
ਤੈਨੂੰ ਰਖਦੀ ਕੰਤ ਨਾਲੋਂ ਪਿਆਰਾ
ਕੰਤ ਮੇਰੇ ਨੇ ਕੁਝ ਨੀ ਦੇਖਿਆ
ਤੂੰ ਰਸ ਲੈ ਲਿਆ ਸਾਰਾ
ਕੁੰਜ ਕੁਰਲਾਉਂਦੀ ਨੂੰ-
ਮਿਲਜਾ ਸੁਹਣਿਆਂ ਯਾਰਾ
461
ਬਾਹਮਣਾਂ ਦੇ ਘਰ ਕੰਨਿਆ ਕੁਮਾਰੀ
ਦਾਗ ਲੱਗਣ ਤੋਂ ਡਰਦੀ
ਉੱਚਾ ਚੁਬਾਰਾ ਸਰਦ ਪੌੜੀਆਂ
ਛਮ ਛਮ ਕਰਕੇ ਚੜ੍ਹਗੀ
ਸੁੱਤਾ ਪਿਆ ਉਹਨੇ ਯਾਰ ਜਗਾ ਲਿਆ
ਗੱਲਾਂ ਹਿਜ਼ਰ ਦੀਆਂ ਕਰਦੀ
ਅੱਖੀਆਂ ਜਾ ਲੱਗੀਆਂ-
ਜਿਹੜੀਆਂ ਗੱਲਾਂ ਤੋਂ ਡਰਦੀ
462
ਝਾਮਾਂ ਝਾਮਾਂ ਝਾਮਾਂ
ਬੇਰੀਆਂ ਦੇ ਬੇਰ ਮੁੱਕ ਗੇ
ਦੱਸ ਕਿਹੜੇ ਵੇ ਬਹਾਨੇ ਆਵਾਂ
ਮਿੱਤਰਾਂ ਦੇ ਫੁਲਕਿਆਂ ਨੂੰ
ਮੈਂ ਖੰਡ ਦਾ ਪਰੇਥਣ ਲਾਵਾਂ

149