ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/170

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


516
ਘੜੇ ਦੋ ਦੋ ਚੱਕਦੀ
ਝਿਊਰਾਂ ਦੀ ਕੁੜੀ
ਘੜੇ ਦੋ ਦੋ ਚੱਕਦੀ
ਗੜਵਾ ਚੱਕਦੀ ਰੇਤ ਦਾ
ਜਿੰਦ ਜਾਵੇ-
ਮੁਕਲਾਵਾ ਚੇਤ ਦਾ
517
ਝਿਊਰਾਂ ਦੀ ਕੁੜੀ
ਘੜੇ ਦੋ ਦੋ ਚੱਕਦੀ
ਗੜਵਾ ਚੁੱਕਦੀ ਦਾਲ ਦਾ
ਚਿੱਤ ਢਿੱਲ੍ਹਾ ਮਲਾਹਜੇਦਾਰ ਦਾ
518
ਝਿਊਰਾਂ ਦੀ ਕੁੜੀ
ਘੜੇ ਦੋ ਦ ਚੱਕਦੀ
ਗੜਵਾ ਚੱਕਦੀ ਖੀਰ ਦਾ
ਚਿੱਤ ਢਿੱਲ੍ਹਾ ਨਣਦ ਦੇ ਵੀਰ ਦਾ
519
ਝਿਊਰਾਂ ਦੀ ਕੁੜੀ ਤਾਂ
ਘੜੇ ਦੋ ਦੋ ਚੁੱਕਦੀ
ਘੜਾ ਤਾਂ ਭਰਿਆ ਨੀਰ ਦਾ ਨੀ
ਢਿੱਡ ਦੁਖੇ ਨਣਦ ਦੇ ਵੀਰ ਦਾ ਨੀ
520
ਝਿਊਰਾਂ ਦੀ ਕੁੜੀ ਨੇ ਸੱਗੀ ਕਰਾਈ
ਚੜ੍ਹ ਕੋਠੇ ਲਿਸ਼ਕਾਈ ਮਧਰੋ ਨੇ
ਜਗ ਲੁਟਣੇ ਨੂੰ ਪਾਈ ਮਧਰੋ ਨੇ
521
ਜੇ ਮੈਂ ਹੁੰਦੀ ਘੁਮਾਰਾਂ ਦੀ ਕੁੜੀ
ਘੜੇ ਪਰ ਘੜਾ ਚੜ੍ਹਾ ਰੱਖਦੀ
ਤਾਰ ਬੰਗਲੇ
ਮਸ਼ੀਨ ਲਗਾ ਰੱਖਦੀ
522
ਆ ਠਾਣੇਦਾਰਾ ਵੇ ਆ ਠਾਣੇਦਾਰਾ
ਮੇਰੇ ਬੰਗਲੇ ਨੂੰ
ਮੋਰੀਆਂ ਰਖਾ ਠਾਣੇਦਾਰਾ

166