ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/176

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਪਿਛੋਂ ਮਾਰ ਦੇ ਗੋਡਾ
ਲੱਕ ਮੇਰਾ ਪਤਲਾ ਜਿਹਾ
ਭਾਰ ਸਹਿਣ ਨਾ ਜੋਗਾ
553
ਉੱਚੇ ਟਿੱਬੇ ਮੈਂ ਤਾਣਾ ਤਣਦੀ
ਉਤੇ ਚੀਂ ਲੰਘ ਗਈ ਤਿਤਲੀ
ਵੀਰ ਦੇ ਮਹਿਲਾਂ ਚੋਂ
ਮੈਂ ਛਮ ਛਮ ਰੋਂਦੀ ਨਿਕਲੀ
554
ਉੱਚੇ ਟਿੱਬੇ ਮੈਂ ਤਾਣਾ ਤਣਦੀ
ਉੱਤੇ ਚੀਂ ਲੰਘ ਗਿਆ ਮੋਰ
ਕਦ ਘਰ ਆਵੇਂਗਾ
ਤੇਰੀ ਕਲਗੀ ਨੂੰ ਬੰਨ੍ਹਦੂ ਡੋਰ
555
ਉੱਚੇ ਟਿੱਬੇ ਮੈਂ ਤਾਣਾ ਤਣਦੀ
ਉੱਤੇ ਚੀਂ ਲੰਘ ਗਈ ਬਿੱਲੀ
ਪ੍ਰੇਮ ਨਾਲ ਆ ਜਾ ਵੇ
ਤੈਂ ਸਾਰੀ ਲੁੱਟ ਲਈ ਦਿੱਲੀ
556
ਉੱਚੇ ਟਿੱਬੇ ਇਕ ਛੋਲਿਆਂ ਦਾ ਬੂਟਾ
ਉਹਨੂੰ ਮਾਰ ਗਿਆਂ ਝਾਂਜਾ
ਥੋੜ੍ਹੀ ਥੋੜ੍ਹੀ ਮੈਂ ਵਿਗੜੀ
ਬਹੁਤਾ ਵਿਗੜ ਗਿਆ ਰਾਂਝਾ
557
ਉੱਚੇ ਟਿੱਬੇ ਮੈਂ ਭਾਂਡੇ ਮਾਂਜਾਂ
ਉੱਤੋਂ ਰੁੜ੍ਹ ਗਈ ਥਾਲੀ
ਕੈਦ ਕਰਾਦੂੰ ਗੀ-
ਮੈਂ ਡਿਪਟੀ ਦੀ ਸਾਲੀ
558
ਉੱਚੇ ਟਿੱਬੇ ਮੈਂ ਤਾਣਾ ਤਣਦੀ
ਪੱਟ ਪੱਟ ਸਿਟਦੀ ਕਾਨੇ
ਏਸ ਦੇਸ ਮੇਰਾ ਜੀ ਨੀ ਲੱਗਦਾ
ਲੈ ਚਲ ਦੇਸ ਬਿਗਾਨੇ
ਐਕਣ ਨਹੀਂ ਪੁਗਣੇ-
ਗੱਲਾਂ ਨਾਲ ਯਰਾਨੇ

172