ਇਹ ਸਫ਼ਾ ਪ੍ਰਮਾਣਿਤ ਹੈ
ਖਾਣ ਪੀਣ ਦਾ ਹੋਇਆ ਵੇਲਾ
ਖਾਂਦੇ ਖਾਂਦੇ ਲੜਪੇ
ਉਤੋਂ ਆਗੇ ਦੋ ਸਿਪਾਹੀ
ਦੋਹਾਂ ਨੂੰ ਲੈ ਗਏ ਫੜਕੇ
ਨੈਣ ਤਾਂ ਦਿੱਤੀ ਹਵਾਲਾਟ ਵਿੱਚ
ਨਾਈ ਤੇ ਡੰਡਾ ਖੜਕੇ
ਨਾਈ ਕਹੇ ਛੁਡਾ ਲੈ ਨੈਣੇ
ਗਹਿਣਾ ਗੱਟਾ ਧਰ ਕੇ
ਸ਼ੀਸ਼ਾ ਮਿੱਤਰਾਂ ਦਾ-
ਦੇਖ ਪੱਟਾਂ ਤੇ ਧਰਕੇ
565
ਆਰੀ ਆਰੀ ਆਰੀ
ਆਰੀ ਆਰੀ ਆਰੀ
ਭਾਗੀ ਦੇ ਬਾਪੂ ਨੇ
ਪਗ ਲਾਹ ਕੇ ਸਭਾ ਵਿੱਚ ਮਾਰੀ
ਘੜਾ ਨਾ ਚਕਾਇਓ ਕੁੜੀਓ
ਇਹਦੀ ਪਿੰਡ ਦੇ ਮੁੰਡਿਆਂ ਨਾਲ ਯਾਰੀ
ਖਸਮਾਂ ਨੂੰ ਖਾਣ ਕੁੜੀਆਂ
ਘੜਾ ਚੱਕਲੂੰ ਮੌਣ ਤੇ ਧਰ ਕੇ
ਆਸ਼ਕਾਂ ਨੂੰ ਨਿਤ ਬਦੀਆਂ
ਕਾਹਨੂੰ ਰੋਨੀ ਐਂ-
ਢਿਲੇ ਜਿਹੇ ਬੁਲ੍ਹ ਕਰ ਕੇ
566
ਆਰੀ ਆਰੀ ਆਰੀ
ਗ਼ਮ ਨੇ ਖਾਧੀ ਗ਼ਮ ਨੇ ਪੀਤੀ
ਗਮ ਦੀ ਕਰੋ ਨਿਆਰੀ
ਕੋਠੇ ਚੜ੍ਹਕੇ ਦੇਖਣ ਲੱਗੀ
ਲੱਦੇ ਆਉਣ ਵਪਾਰੀ
ਉਤਰਨ ਲੱਗੀ ਦੇ ਲੱਗਿਆ ਕੰਡਾ
ਹੋ ਗੀ ਰੋਗਣ ਭਾਰੀ
ਗੱਭਣਾਂ ਤੀਵੀਆਂ ਨਚਣੋਂ ਰਹਿ ਗੀਆਂ
ਫੰਡਰਾਂ ਦੀ ਆ ਗੀ ਬਾਰੀ
ਅਲ਼ਕ ਵਹਿੜਕੇ ਚਲਣੋਂ ਰਹਿ ਗੇ
ਕਨ੍ਹਿਯੋਂ ਸੁੱਟੀ ਪੰਜਾਲ਼ੀ
ਮੂਹਰੇ ਹੱਟ ਬਾਣੀਏਂ ਦੀ
175
