ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/200

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


91
ਕੱਚੀ ਕੈਲ ਉਮਰ ਦੀ ਨਿਆਣੀ
ਪੱਟੀ ਤੇਰੇ ਲੱਡੂਆਂ ਨੇ
92
ਕੱਚੀਆਂ ਕੈਲਾਂ ਨੂੰ
ਜੀ ਸਭਨਾਂ ਦਾ ਕਰਦਾ
93
ਚੰਨਣ
ਮੁੰਡਾ ਸੁੱਕ ਗਿਆ ਚੰਨਣ ਦਾ ਬੂਟਾ
ਤੇਰੇ ਪਿੱਛੇ ਗੋਰੀਏ ਰੰਨੇ
94
ਰੱਤਾ ਪਲੰਘ ਚੰਨਣ ਦੇ ਪਾਵੇ
ਤੋੜ ਤੋੜ ਖਾਣ ਹੱਡੀਆਂ
95
ਚੰਬਾ ਕਲੀ
ਹੱਸਦੀ ਨੇ ਫੁੱਲ ਮੰਗਿਆ
ਸਾਰਾ ਬਾਗ ਹਵਾਲੇ ਕੀਤਾ
96
ਜੇ ਨਾ ਮੁਕਲਾਵੇ ਜਾਂਦੀ
ਰਹਿੰਦੀ ਫੁੱਲ ਵਰਗੀ
97
ਝੁੱਕ ਕੇ ਚੱਕ ਲੈ ਪਤਲੀਏ ਨਾਰੇ
ਪਾਣੀ ਉੱਤੇ ਫੁੱਲ ਤਰਦਾ
98
ਤਾਹੀਓਂ ਕਲੀਆਂ ਸ਼ਰਮ ਨਾਲ ਝੁਕੀਆਂ
ਬਾਗ਼ ਵਿਚੋਂ ਲੰਘੀ ਹੱਸ ਕੇ
99
ਫੁੱਲ ਤੋੜ ਕੇ ਕਦੀ ਨਾ ਖਾਂਦੇ
ਭੌਰ ਭੁੱਖੇ ਵਾਸ਼ਨਾਂ ਦੇ
100
ਮੇਰਾ ਯਾਰ ਚੰਬੇ ਦੀ ਮਾਲ਼ਾ
ਦਿਲ ਵਿੱਚ ਰਹੇ ਮਹਿਕਦਾ
101
ਰੌਂ ਗਿਆ ਹੱਡਾਂ ਵਿੱਚ ਸਾਰੇ
ਸੁੰਘਿਆ ਸੀ ਫੁੱਲ ਕਰਕੇ

198