ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/287

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

950
ਅੱਖ ਖੁਲ੍ਹਗੀ ਨਜ਼ਰ ਨਾ ਆਇਆ
ਸੁਫਨੇ 'ਚ ਪੈਣ ਜੱਫੀਆਂ
951
ਮੈਨੂੰ ਮੱਸਿਆ ’ਚ ਪੈਣ ਭੁਲੇਖੇ
ਤੇਰੀ ਵੇ ਸੰਧੂਰੀ ਪੱਗ ਦੇ
952
ਸੰਧੂਰੀ ਪੱਗ ਦੇ ਭੁਲੇਖੇ ਪੈਂਦੇ
ਤ੍ਰਿਜਣਾਂ ’ਚ ਕੱਤਦੀ ਨੂੰ
953
ਕਦੀ ਪਾ ਵਤਨਾਂ ਵਲ ਫੇਰਾ
ਝਾਕਦੀ ਦੀ ਅੱਖ ਥੱਕ ਗੀ
954
ਪੁੱਤਰਾ ਸਹੁਰੇ ਦਿਆ
ਕਦੀ ਬਣ ਕੇ ਪਰਾਹੁਣਾ ਆ
955
ਮਾਪੇ ਮੈਨੂੰ ਰੋਗ ਪੁਛਦੇ
ਪਾਣੀ ਮੇਰਿਆਂ ਹੱਡਾਂ ਦਾ ਸੁਕਿਆ
956
ਚਿੱਤ ਲੱਗ ਨਾ ਉਦਾਸਣ ਹੋਈ
ਕਰਦੀ ਦਿਨ ਕਟੀਆਂ
957
ਕਿਹੜਾ ਗ਼ਮ ਨੀ ਜਾਨ ਨੂੰ ਲਾਇਆ
ਗੱਲ੍ਹਾ ਵਾਲਾ ਰੰਗ ਉਡਿਆ
958
ਮੇਰਾ ਹੈ ਨੀ ਦਿਲਾਂ ਦਾ ਭੇਤੀ
ਕੀਹਦੇ ਕੋਲ ਭੇਤ ਦਸ ਦਾਂ
959
ਕਿਤੇ ਟੱਕਰੇਂ ਤਾਂ ਹਾਲ ਸੁਣਾਵਾਂ
ਦੁੱਖਾਂ ਵਿੱਚ ਪੈ ਗੀ ਜਿੰਦੜੀ
960
ਘਰ ਦੇ ਕੰਤ ਬਿਨਾਂ
ਕੌਣ ਦੁੱਖਾਂ ਦਾ ਸੀਰੀ

285