ਇਹ ਸਫ਼ਾ ਪ੍ਰਮਾਣਿਤ ਹੈ
65
ਕਿੱਕਰ
ਚਰਖਾ ਮੇਰਾ ਲਾਲ ਕਿੱਕਰ ਦਾ
ਮ੍ਹਾਲ੍ਹਾਂ ਬਹੁਤੀਆਂ ਖਾਵੇ
ਚਰਖਾ ਬੂ ਚੰਦਰਾ-
ਸਾਡੀ ਅਸਰਾਂ ਦੀ ਨੀਂਦ ਗਵਾਵੇ
66
ਕਿੱਕਰ ਉੱਤੋਂ ਫੁੱਲ ਪਏ ਝੜਦੇ
ਲਗਦੇ ਬੋਲ ਪਿਆਰੇ
ਜਲ ਤੇ ਫੁੱਲ ਤਰਦਾ-
ਝੁਕ ਕੇ ਚੁੱਕ ਮੁਟਿਆਰੇ
67
ਬਿਰਹਾ ਬਿਰਹਾ ਸਭ ਕੋਈ ਆਖੇ
ਇਸ ਬਿਰਹੇ ਤੋਂ ਹਾਰੇ
ਕੰਨ ਵਿੱਚ ਮੁੰਦਰਾਂ ਪਾ ਕੇ ਆਏ
ਪਿਆਰ ਤੇਰੇ ਦੇ ਮਾਰੇ
ਜਿਉਂ ਕਿੱਕਰਾਂ ਤੋਂ ਫੁੱਲ ਨੇ ਝੜਦੇ
ਲਗਦੇ ਬੋਲ ਪਿਆਰੇ
ਜਲ ਤੇ ਫੁੱਲ ਤਰਦਾ-
ਚੱਕ ਲੈ ਪਤਲੀਏ ਨਾਰੇ
68
ਕਿੱਕਰਾਂ ਵੀ ਲੰਘ ਆਈ
ਬੇਰੀਆਂ ਵੀ ਲੰਘ ਆਈ
ਲੰਘਣੋਂ ਰਹਿ ਗੇ ਕਰੀਰ
ਕੁੜਤੀ ਮਲਮਲ ਦੀ-
ਭਾਫਾਂ ਛੱਡੇ ਸਰੀਰ
69
ਕਿੱਕਰ-ਬੇਰੀਆਂ-ਤੂਤ
ਕਿੱਕਰਾਂ ਵੀ ਲੰਘ ਆਈ
ਬੇਰੀਆਂ ਵੀ ਲੰਘ ਆਈ
ਲੰਘਣੋਂ ਰਹਿਗੇ ਤੂਤ
ਜੇ ਮੇਰੀ ਸਸ ਮਰ ਜੇ-
ਮੈਂ ਦੂਰੋਂ ਮਾਰਾਂ ਕੂਕ
39
