ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/57

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


121


ਬੱਕਰੀ


ਦਰਾਣੀ ਦੁੱਧ ਰਿੜਕੇ
ਜਠਾਣੀ ਦੁੱਧ ਰਿੜਕੇ
ਅਸੀਂ ਕਿਉਂ ਬੈਠੇ ਚਿਰਕਾਂਗੇ
ਸਿੰਘਾ ਲਿਆ ਬੱਕਰੀ-
ਦੁੱਧ ਰਿੜਕਾਂਗੇ
122
ਬਾਂਦਰੀ ਤੇ ਕੁੱਤਾ
ਸਰਹਾਣੇ ਬੰਨ੍ਹੀਂਂ ਬਾਂਦਰੀ
ਪੈਂਦੇ ਬੰਨ੍ਹਿਆ ਕੁੱਤਾ
ਲੈਣ ਕਿਉਂ ਨੀ ਆਉਂਦਾ-
ਕੁਪੱਤੀ ਮਾਂ ਦਿਆ ਪੁੱਤਾ
123
ਹਰਨ
ਹੀਰਿਆਂ ਹਰਨਾਂ ਬਾਗੀਂ ਚਰਨਾ
ਬਾਗੀਂਂ ਹੋ ਗਈ ਚੋਰੀ
ਪਹਿਲੋਂ ਲੰਘ ਗਿਆ ਕੈਂਠੇ ਵਾਲਾ
ਮਗਰੋਂ ਲੰਘ ਗਈ ਗੋਰੀ
ਲੁਕ ਲੁਕ ਰੋਂਦੀ ਹੀਰ ਨਿਮਾਣੀ
ਜਿੰਦ ਗ਼ਮਾਂ ਨੇ ਖੋਰੀ
ਕੂਕਾਂ ਪੈਣ ਗੀਆਂ-
ਨਿਹੁੰ ਨਾ ਲੁਗਦੇ ਜੋਰੀਂ
124
ਹੀਰਿਆ ਹਰਨਾ ਬਾਗੀਂਂ ਚਰਨਾ
ਬਾਗੀਂਂ ਪੱਤਰ ਸਾਵੇ
ਗ਼ਮ ਨੇ ਪੀ ਲਈ ਰੱਤ ਜਿਸਮ ਦੀ
ਗ਼ਮ ਹੱਡੀਆਂ ਨੂੰ ਖਾਵੇ
ਸੌ ਸੌ ਕੋਹ ਤੇ ਨੀਂਦਰ ਤੁਰਗੀ
ਅੱਖੀਆਂ ਵਿੱਚ ਨਾ ਆਵੇ
ਸਰਹੋਂ ਦੇ ਫੁੱਲ ਵਰਗੀ-
ਤੁਰ ਗਈ ਅਜ ਮੁਕਲਾਵੇ
125
ਹੀਰਿਆਂ ਹਰਨਾਂ ਬਾਗੀ ਚਰਨਾ
ਬਾਗੀਂਂ ਹੋ ਗਈ ਚੋਰੀ

53