ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/64

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


145
ਬੁਲਬੁਲ
ਸਦਾ ਨਾ ਬਾਗੀਂ-ਬਾਗ ਬਹਾਰਾਂ
ਸਦਾ ਨਾ ਬੁਲਬੁਲ ਬੋਲੇ
ਤੇਰੀਆਂ ਮੇਰੀਆਂ ਅੱਖੀਆਂ ਲੱਗੀਆਂ
ਓਸ ਘੰਦੋਲੀ ਓਹਲੇ
ਮੇਰੇ ਹੱਥ ਵਿੱਚ ਗੁੱਲੀ ਡੰਡਾ
ਤੇਰੇ ਹੱਥ ਪਟੋਹਲੇ
ਨੀ ਹੱਕ ਵਾਲਾ ਹੱਕ ਮੰਗਦਾ-
ਜੇ ਕੋਈ ਪੂਰਾ ਤੋਲੇ
146
ਕੂੰਜ
ਨੰਦ ਕੁਰ ਚੰਦ ਕੁਰ ਦੋਵੇਂ ਭੈਣਾਂ
ਹੌਲਦਾਰ ਨੂੰ ਵਿਆਹੀਆਂ
ਰੋਟੀਂਂ ਲੈ ਕੇ ਚੱਲੀਆਂ ਹੌਲਦਾਰ ਦੀ
ਰਾਹ ਵਿੱਚ ਮਰਨ ਤਿਹਾਈਆਂ
ਗੜਵੀ ਭਰ ਮਿੱਤਰਾ-
ਕੂੰਜਾਂ ਮਰਨ ਤਿਹਾਈਆਂ
147
ਦੇਵੀ ਦੀ ਮੈਂ ਕਰਾਂ ਕੜਾਹੀ
ਪੀਰ ਫਕੀਰ ਧਿਆਵਾਂ
ਹੈਦਰ ਸ਼ੇਖ ਦਾ ਬੱਕਰਾ ਦੇਵਾਂ
ਨੰਗੇ ਪੈਰੀਂ ਜਾਵਾਂ
ਹਨੂੰਮਾਨ ਦੀ ਦੇਵਾਂ ਮੰਨੀ
ਰਤੀ ਫਰਕ ਨਾ ਪਾਵਾਂ
ਜੇ ਸੁਰਮਾਂ ਤੂੰ ਬਣਜੇਂ ਮੇਲਣੇ
ਮੈਂ ਅੱਖਾਂ ਵਿੱਚ ਪਾਵਾਂ
ਕੂੰਜੇ ਪਹਾੜ ਦੀਏ-
ਜਿੰਦ ਤੇਰੇ ਨਾਉਂ ਲਾਵਾਂ
148
ਮੈਂ ਤਾਂ ਤੈਨੂੰ ਲੈਣ ਨੀ ਆਇਆ
ਤੂੰ ਬੜ ਬੈਠੀ ਖੂੰਜੇ
ਤੇਰੇ ਬਾਝੋਂ ਚਿੱਤ ਨੀ ਲਗਦਾ
ਸੁੰਨੀ ਹਵੇਲੀ ਗੂੰਜੇ
ਕੌਣ ਤੇਰੇ ਬਿਨ ਭਾਂਡੇ ਮਾਂਜੂ
ਕੌਣ ਅੰਦਰ ਨੂੰ ਹੂੰਝੇ

60