ਇਹ ਸਫ਼ਾ ਪ੍ਰਮਾਣਿਤ ਹੈ
874
ਪਰ੍ਹੇ ਹਟ ਜਾ ਕੁਪੱਤੀਏ ਨੈਣੇ
ਇਕ ਬਾਰੀ ਤੱਕ ਲੈਣ ਦੇ
875
ਜਿਗਰਾ ਨਾਈਆਂ ਦਾ
ਨੈਣ ਜੱਟਾਂ ਨਾਲ਼ ਤੋਰੀ
876
ਬੱਗਿਆ ਚੱਕ ਚੌਂਕੜੀ
ਨੈਣ ਨਫੇ ਵਿਚ ਆਈ
877
ਮੈਨੂੰ ਅੱਜ ਦੀ ਰਾਤ ਨਾ ਛੇੜੀਂ
ਮਹਿੰਦੀ ਵਾਲੇ ਹੱਥ ਜੋੜਦੀ
878
ਤੱਤੀ ਖੀਰ ਨੀ ਬਸ਼ਰਮਾ ਖਾਂਦੇ
ਪੁੱਤ ਸਰਦਾਰਾਂ ਦੇ
879
ਅੰਨ੍ਹੇ ਜੱਟ ਦਾ ਆਇਆ ਮੁਕਲਾਵਾ
ਗੱਡੀ ਦੇ ਵਿਚ ਨੈਣ ਦੱਬ ਲੀ
880
ਪੁੱਤ ਮਰਜੋ ਬਚੋਲਿਆ ਤੇਰਾ
ਹਾਣ ਦਾ ਨਾ ਵਰ ਟੋਲਿਆ
881
ਪਟਤੀ ਸੰਜੋਗਾਂ ਨੇ
ਮੈਨੂੰ ਹਾਣ ਦਾ ਮੁੰਡਾ ਨਾ ਥਿਆਇਆ
882
ਵਰ ਲੱਭਿਆ ਬੀਹੀ ਦਾ ਕੂੜਾ
ਪਿੰਡ ਦੀ ਨਘੋਚਣ ਨੂੰ
883
ਦੇਖ ਕੇ ਬੁੱਢੇ ਦੇ ਧੌਲ਼ੇ
ਗੱਡੀ ਦੇ ਵਿਚ ਧਾ ਮਾਰੀ
884
ਮੈਨੂੰ ਮੁੰਜ ਕੁਟਣੇ ਦੇ ਵਿਆਹਿਆ
ਮਾਏਂ ਤੈਥੋਂ ਕੱਖ ਨਾ ਸਰੀ
ਗਾਉਂਦਾ ਪੰਜਾਬ:: 119
