ਇਹ ਸਫ਼ਾ ਪ੍ਰਮਾਣਿਤ ਹੈ
933
ਸੱਸੇ ਤੇਰੀ ਮਹਿੰ ਮਰਜੈ
ਮੇਰੇ ਵੀਰ ਨੂੰ ਸੁੱਕੀ ਖੰਡ ਪਾਈ
934
ਪੁੱਤ ਤੇਰਾ ਵੈਲੀ ਸੱਸੀਏ
ਕੀਹਦੇ ਹੌਸਲੇ ਲੰਬਾ ਤੰਦ ਪਾਵਾਂ
935
ਸੱਸੇ ਵੇਖ ਨੀ ਜੁਆਨੀ ਮੇਰੀ
ਮੋੜ ਪੁੱਤ ਆਪਣੇ ਨੂੰ
936
ਸੱਸੇ ਵੇਖ ਨੀ ਜਵਾਨੀ ਮੇਰੀ
ਭਰਤੀ ਤੋਂ ਪੁੱਤ ਰੋਕ ਲੈ
937
ਸੱਸੇ ਪੁੱਤ ਦੀ ਮਗਰ ਨੀ ਜਾਣਾ
ਇਕ ਪੁੱਤ ਹੋਰ ਜਣ ਦੂੰ
938
ਕਦੋਂ ਜੰਮਿਆ ਕਦੋਂ ਨੀ ਹੋਇਆ ਗੱਭਰੂ
ਹੁਣ ਲੋੜ ਤੇਰੇ ਪੁੱਤ ਦੀ
939
ਮੇਰੀ ਸੱਸ ਦੇ ਚਿਲਕਣੇ ਬਾਲ਼ੇ
ਬਾਪੂ ਮੈਨੂੰ ਸੰਗ ਲੱਗਦੀ
940
ਸੱਸ ਆਖਦੀ ਚੜ੍ਹੀ ਐ ਤੈਨੂੰ ਮਸਤੀ
ਰੋ-ਰੋ ਅੱਖਾਂ ਲਾਲ ਹੋਗੀਆਂ
941
ਜਾਂ ਬਾਪੂ ਮੈਂ ਮਰ ਜਾਂ
ਜਾਂ ਮਰ ਜੇ ਕੁੜਮਣੀ ਤੇਰੀ
942
ਪੱਚੀਆਂ ਦੀ ਲਿਆ ਦੇ ਲੋਗੜੀ
ਅਸੀਂ ਸੱਸ ਦੇ ਪਰਾਂਦੇ ਕਰਨੇ
943
ਸੱਸ ਦੇ ਸਤਾਰਾਂ ਕੁੜੀਆਂ
ਮੱਥਾ ਟੇਕਦੀ ਨੂੰ ਬਾਰਾਂ ਵਜ ਜਾਂਦੇ
ਗਾਉਂਦਾ ਪੰਜਾਬ :: 125
