ਇਹ ਸਫ਼ਾ ਪ੍ਰਮਾਣਿਤ ਹੈ
ਭਾਬੀਆਂ ਦਾ ਗਹਿਣਾ
997
ਛੋਟਾ ਦਿਉਰ ਭਾਬੀਆਂ ਦਾ ਗਹਿਣਾ
ਪੱਟਾਂ ਵਿਚ ਖੇਡਦਾ ਫਿਰੇ
998
ਲੈ ਡੋਰੀਆ ਗੰਢੇ ਦੀ ਪੱਤ ਵਰਗਾ
ਰੋਟੀ ਲੈ ਕੇ ਦਿਉਰ ਦੀ ਚੱਲੀ
999
ਮੇਰੀ ਬੱਕਰੀ ਚਾਰ ਲਿਆ ਦਿਓਰਾ
ਮੈਂ ਨਾ ਤੇਰਾ ਹੱਕ ਰੱਖਦੀ
1000
ਰੰਨ ਬੱਕਰੀ ਚਰਾਉਣ ਦੀ ਮਾਰੀ
ਲਾਰਾ ਲੱਪਾ ਲਾ ਰਖਦੀ
1001
ਦਿਓਰਾ ਵੇ ਤੂੰ ਕਰ ਕੁਤਰਾ
ਰੁਗ ਲਾਵਾਂ ਚਰ੍ਹੀ ਦੇ ਤੈਨੂੰ
1002
ਦਿਓਰਾ ਵੇ ਕਰ ਕੁਤਰਾ
ਛੰਨਾ ਦਿਆਂ ਵੇ ਮਲ਼ਾਈ ਸਣੇ ਦੁਧ ਦਾ
1003
ਮੈਂ ਬੇਰ ਬਜ਼ਾਰੋਂ ਲਿਆਂਦਾ
ਭਾਬੀ ਤੇਰੀ ਗਲ੍ਹ ਵਰਗਾ
1004
ਢੂਹੀ ਟੁੱਟਗੀ ਤਵੀਤਾਂ ਵਾਲ਼ੇ ਦਿਓਰ ਦੀ
ਬੱਕਰੀ ਨੂੰ ਦੇਵਾਂ ਮੱਠੀਆਂ
1005
ਪੁੱਛਦਾ ਦਿਓਰ ਖੜਾ
ਤੇਰਾ ਕੀ ਦੁਖਦਾ ਭਰਜਾਈਏ
ਗਾਉਂਦਾ ਪੰਜਾਬ :: 133
