ਇਹ ਸਫ਼ਾ ਪ੍ਰਮਾਣਿਤ ਹੈ
1164
ਭਾਵੇਂ ਮੱਚ ਜੇ ਤਵੇ 'ਤੇ ਰੋਟੀ
ਜਾਂਦੇ ਦੀ ਪਿੱਠ ਦੇਖਣੀ
1165
ਰੰਗ ਚੋ ਕੇ ਪਰਾਤ ਵਿਚ ਪੈ ਗਿਆ
ਧੁੱਪ 'ਚ ਪਕਾਈਆਂ ਰੋਟੀਆਂ
1166
ਨਵੀਆਂ ਵਿਆਹੀਆਂ ਦੇ
ਘਰ ਪੁੱਛਦੇ ਸੰਧਾਰਿਆਂ ਵਾਲ਼ੇ
1167
ਲਿਖੀਆਂ ਲੇਖ ਦੀਆਂ
ਭੋਗ ਲੈ ਮਨਾ ਚਿੱਤ ਲਾ ਕੇ
1168
ਬੁਰੀਆਂ ਹੁੰਦੀਆਂ ਮਤੇਈਆਂ ਮਾਵਾਂ
ਗੋਦੀ ਵਿਚੋਂ ਕੱਢ ਦਿੰਦੀਆਂ
1169
ਜੱਕਾ ਨਿਕਲਿਆ ਤਸੀਲੋਂ ਖਾਲੀ
ਭਬਕੇ ਨੂੰ ਕੈਦ ਬੋਲਗੀ
1170
ਜੱਟ ਦਾ ਪੁੱਤ ਗੱਭਰੂ
ਮੈਨੂੰ ਭਬਕੇ ਬਾਅਝ ਨਾ ਬੋਲੇ
1172
ਦੁੱਲੇ ਦੀਏ ਬਾਰੇ
ਵੱਸਦੀ ਉਜੜੇਂਗੀ
1173
ਕੌਣ ਜੰਮਿਆ ਨਵੇੜਨ ਵਾਲਾ
ਝਗੜੇ ਮਿੱਤਰਾਂ ਦੇ
1174
ਤੇਰੇ ਮੇਰੇ ਪਿਆਰ ਦੀਆਂ
ਗੱਲਾਂ ਹੋਣ ਸੰਤਾਂ ਦੇ ਡੇਰੇ
1175
ਮੇਰੇ ਦੁਖਦੇ ਕੰਨਾਂ ਤੇ ਮਾਰੀ
ਟੁਟ ਜੇ ਬੈਂਤ ਦੀ ਛਟੀ
ਗਾਉਂਦਾ ਪੰਜਾਬ:: 153
