ਇਹ ਸਫ਼ਾ ਪ੍ਰਮਾਣਿਤ ਹੈ
1241
ਚਲ ਚੱਲੀਏ ਜਰਗ ਦੇ ਮੇਲੇ
ਮੁੰਡਾ ਤੇਰਾ ਮੈਂ ਚੱਕ ਨੂੰ
1242
ਚੰਦਰੀ ਦੇ ਲੜ ਲੱਗ ਕੇ
ਛੁੱਟ ਗਿਆ ਜਰਗ ਦਾ ਮੇਲਾ
1243
ਇਕ ਜੈਤੋ ਮੰਡੀ ਲੱਗਦੀ
ਇਕ ਲਗਦਾ ਛਪਾਰ ਦਾ ਮੇਲਾ
1244
ਤੇਰੀ ਚੱਕਲਾਂ ਕੁੜੀ ਨੂੰ ਗੋਦੀ
ਤੈਨੂੰ ਲਾਵਾਂ ਨਾਲ਼ ਹਿੱਕ ਦੇ
1245
ਤੇਰੀ ਹਾੜ੍ਹੀ ਨੂੰ ਵਕੀਲਾਂ ਖਾਧਾ
ਸਾਉਣੀ ਤੇਰੀ ਸ਼ਾਹਾਂ ਲੁੱਟ ਲੀ
1246
ਖੂਹਾਂ ਟੋਭਿਆਂ ਤੇ ਮਿਲਣੋਂ ਰਹਿ ਗੀ
ਚੰਦਰੇ ਲਵਾ ਲਏ ਨਲਕੇ
1247
ਜੱਕੇ ਵਾਲਿਆ ਜੱਕੇ ਨੂੰ ਤੋਰ ਵੇ
ਬਾਰਾਂ ਬਜਦੇ ਨੂੰ ਪੇਕੇ ਜਾਣਾ
1248
ਮੇਰੇ ਜੱਕੇ ਨੇ ਮੜਕ ਨਾਲ਼ ਤੁਰਨਾ
ਐਡੀ ਕਾਹਲੀ ਰੇਲ ਚੜ੍ਹ ਜਾ
1249
ਚੜ੍ਹ ਜਾ ਰਾਤ ਦੀ ਗੱਡੀ
ਜਿਹੜੀ ਧੁਰ ਸ਼ਿਮਲੇ ਨੂੰ ਜਾਵੇ
1250
ਜਿਹੜੇ ਕਹਿੰਦੇ ਸੀ ਮਰਾਂਗੇ ਨਾਲ਼ ਤੇਰੇ
ਚੜ੍ਹਗੇ ਓਹ ਰਾਤ ਦੀ ਗੱਡੀ
1251
ਗੱਡੀ ਸਰਸੇ ਮੇਲ ਦੀ ਚੜ੍ਹ ਜਾ
ਜੇ ਤੂੰ ਜਾਣਾ ਸੁਰਗਾਂ ਨੂੰ
160:: ਗਾਉਂਦਾ ਪੰਜਾਬ
