ਇਹ ਸਫ਼ਾ ਪ੍ਰਮਾਣਿਤ ਹੈ
1263
ਬੋਲੀਆਂ ਦੀ ਸੜਕ ਬੰਨ੍ਹਾਂ
ਜਿਥੇ ਜੱਕਾ ਚੱਲੇ ਸਰਕਾਰੀ
1264
ਬੋਲੀਆਂ ਦਾ ਪਾਵਾਂ ਬੰਗਲਾ
ਜਿਥੇ ਵੱਸਿਆ ਕਰੇ ਪਟਵਾਰੀ
1265
ਪਾਓ ਬੋਲੀਆਂ ਕਰੋ ਚਿੱਤ ਰਾਜ਼ੀ
ਮੱਚਦਿਆਂ ਨੂੰ ਮਚਣ ਦਿਓ
1266
ਸੀ.ਓ. ਸਾਹਿਬ ਨੇ ਅਰਦਲੀ ਲਾਇਆ
ਮੁੰਡਾ ਗੁਲਕੰਦ ਵਰਗਾ
1267
ਗੋਰੇ ਮੁੰਡੇ ਲੈਸ ਬਣ ਗੇ
ਕਾਲੇ ਮਰਗੇ ਫਟੀਕਾਂ ਕਰਦੇ
1268
ਰਫਲ ਮੇਰੀ ਦੀ ਗੋਲੀ
ਪੱਥਰਾਂ ਨੂੰ ਜਾਵੇ ਚੀਰ ਕੇ
1269
ਦੇਵਤੇ ਹੈਰਾਨ ਮੰਨਗੇ
ਪੈੜ ਲੰਗੜੇ ਰਿਸ਼ੀ ਦੀ ਜਾਵੇ
1270
ਪੈਂਦੇ ਸੱਪਾਂ ਦੀ ਸਿਰੀ ਤੋਂ ਨੋਟ ਚੁੱਕਣੇ
ਸੌਖੀ ਨਾ ਬਿੱਲੋ ਡਰਾਇਵਰੀ
1271
ਮੱਚ ਗੀ ਤੰਦੁਰ ਤੇ ਖੜੀ
ਜਦ ਵੇਖਿਆ ਰੰਡੀ ਦੇ ਘਰ ਬੜਦਾ
1272
ਤੈਨੂੰ ਝੱਲ ਝਿਮਣਾਂ ਦੀ ਮਾਰਾਂ
ਅੱਖੀਆਂ 'ਚ ਵਸ ਮਿੱਤਰਾ
1273
ਤੇਰੀ ਸੱਜਰੀ ਪੈੜ ਦਾ ਰੇਤਾ
ਚੁੱਕ ਚੁੱਕ ਲਾਵਾਂ ਹਿੱਕ ਨੂੰ
162:: ਗਾਉਂਦਾ ਪੰਜਾਬ